Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kami nogaid kon oaíidan tana'a lantaranbií totabi i Allah. Tuamai in diaíbií molia-liau ing gina nami.
2 Kami in doiíbií tongaí umuni-uni sim moko'oyakbií in natua. Bo kami in doiíbií mogaid takin gina inta diaí motulid bo poḷat doman mopotaḷaí in singog i Allah. Kami nogaid kon oaíidan i Allah takinbií gina motulid naí inta kino ibog-Nya. Tuamai harapon makow tua, kopia'an im monilai ko'i nami.
3 Aka Habar Mopia inta pinoyaput nami tua bo diaípa doman komangalean, yo dongka bidon intau mita inta tantuí mongin daḷan popatoi in diaí momangale kon tua.
4 Sin ilah mora'at inta mongawasa kon dunia na'a in tantuí mogolingoi kon raian in intau mita inta diaí mopirisaya. Siabií tua in tantuí mogolingoi ko'i monia simbaí diaí moko'ontong kom bayang in Habar Mopia soaáḷ kawasa i Kristus inta moḷoben, inta nobalií olinow i Allah.
5 Sin habar inta pinoyaput nami tua in de'emanbií habar soaáḷ oaíidan nami tontanií. Ta'e habarbií soaáḷ ki Yesus Kristus inta Tuhan; bo kami na'a in tongaíbií simpaḷ mita monimu sin ibog i Tuhan.
6 Sing ki Allah nogumandon nana'a, "Nongkon sindip momukaídon im bayag." Bo ki Allah doman tatua inta nopomukaí im bayag-Nya kom bonu ing gina naton, simbaí mobayag domandon in raian naton bo monota'au kong kototarang im bayag i Allah inta nonindar kom pogot i Kristus.
7 Ta'e kakaya'an inta mopia nongkon soroga tua in naí bií kom bonu in awak nami inta inaidan nongkon butaí ḷamentong, simbaí monyatadon kong kakuatan moḷoben ko'inami na'a in nongkon i Allahbií, de'emanbií nongkon inami tontanií.
8 Kami totok in irupa-rupamai monia, ta'e na'apabií doman makow ing kami. Kinodaitanbií doman akaḷ ing kami, ta'e harapan nami in tantuíbií oyuíon.
9 Umpakahbií kami pinogutuí, ta'e diaípabií dodai onda in sinaḷaían tongaídon kami tontanií. Bo umpakahbií umuran monia bongkugon nodapot im pomobak kom butaí, ta'e diaípabií doman mitatoi ing kami.
10 Tantuídon kinorasa'an nami im popatoi inta kinorasa'an i Yesus, simbaí kobobiag-Nya monyatadon doman kon awak nami.
11 Ko wakutu im mobiagpa, kami umuran noyogintayow im popatoi sin nopota'au in habar soaáḷ ki Yesus Kristus, simbaí kobobiag i Yesus monyata doman kon awak inta diaí mononoi na'a.
12 Na'a im mangalenya kong kawasa im popatoi umuranbií diaí monaḷaímai ko'i nami, ta'e mopiabií ing gina nami sin tantuí moyotakin monimu.
13 Kom Buk Mosuci pinais nana'a, "Aku'oi mopirisaya, tuamai aku'oi mosingog." Daí pirisayabií tatua in nobalií dodoyonan nami mosingog.
14 Kami im mopirisayabií kong ki Allah inta nomiag bui ko'i Tuhan Yesus, im momiag doman ko'i monimu takin i Yesus, bo modia ko'i monimu bo ko'inami kon tayowon-Nya.
15 Tua komintan lantaranbií kopontingan monimu. Sin aka mobayong in intau monota'au kon totabi i Allah, yo mobayong doman im mopoyaput in sukur ko'i Allah; daí ki Allah in dayowon totok.
16 Manangka intua diaíbií molia-liau ing gina nami. Umpakah kosikisa-sikisadon, ta'e gina nami tantuíbií tomobaguon pomuḷoi in singgai.
17 Sin yoyiga inta diaí mobogat totok na'a, inta samantara korasa'an nami tana'a mobogoibií ing kopia'an mononoi, mo'iliu kon rupa-rupa roriga inta kinorasa'an nami tontanií.
18 Kami diaíbií monarukiramai kon onu inta ko'ontongan. Sin inta ko'ontongan tua in diaíbií mononoi, ta'e aka inta diaí ko'ontongan yo tuabií im mononoi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA