Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ganup halak Israel tarsurat do ibagas buku tarombo, anjaha tonggor ma, domma tarsurat sidea ibagas buku ni raja-raja ni Israel. Tapi anggo halak Juda tarbuang do hu Babel halani pangoseionni.

² Ia pangisi ni tanoh ai hinan, ai ma na marianan bani parbagiananni bei pakon ibagas hutani bei, ai ma halak Israel, malim, halak Levi pakon siparugas i rumah panumbahan.

³ Marianan do i Jerusalem deba humbani halak Juda, Benyamin, Efraim pakon Manasse.

⁴ Humbani halak Juda: si Utai anak ni si Amihud, anak ni si Omri, anak ni si Imri, anak ni si Bani, na humbani anak ni si Peres, anak ni si Juda.

⁵ Humbani halak Siloni: Si Asaya, bunga tubuhni pakon anakni ai.

⁶ Humbani anak ni si Sera: Si Jehuel pakon sanina ni sidea, onom ratus siah puluh halak bueini.

⁷ Humbani ginompar ni si Benyamin: Si Sallu, anak ni si Mesullam, anak ni si Hodavia, anak ni si Hassenua,

⁸ si Jibneya anak ni si Jeroham, si Ela anak ni si Ussi, anak ni si Mihri, pakon si Mesullam anak ni si Sepatya, anak ni si Regual, anak ni si Jibniyah,

⁹ ampa sanina ni sidea mar sasaompung, siah ratus lima puluh onom halak bueini. Ganupan ai kopala ni mar sasaompung bani ginompar ni ompung ni sidea.

¹⁰ Humbani malim: Si Jedaya, si Joyarib, si Jakim,

¹¹ pakon si Asarya, anak ni si Hilkia, anak ni si Mesullam, anak ni si Sadok, anak ni si Merayot, anak ni si Ahitub, kopala i Rumah ni Naibata,

¹² pakon si Adaya, anak ni si Jeroham, anak ni si Pashur, anak ni si Malkia, pakon si Maasai, anak ni si Adiel, anak ni si Jahsera, anak ni si Mesillemit, anak ni si Immer;

¹³ ambah ni ai sanina ni sidea, kopala ni ginompar ni ompung ni sidea saribu pitu ratus onom puluh halak bueini, halak na pandei mandalankon horja i Rumah ni Naibata.

¹⁴ Humbani halak Levi: Si Semaya, anak ni si Hassub, anak ni si Asrikam, anak ni si Hasabya na humbani ginompar ni si Merari;

¹⁵ pakon si Bakbakar, si Heres, si Golal, si Matanya anak ni si Mika, anak ni si Sihri, anak ni si Asap;

¹⁶ pakon si Obaja, anak ni si Semaya, anak ni si Galal, anak ni si Jedutun pakon si Berekya, anak ni si Asa, anak ni si Elkana, na marianan i huta ni halak Netopati.

¹⁷ Sijaga horbangan: si Sallum, si Akub, si Talmon, si Ahiman pakon saninani. Si Sallum do kopalani,

¹⁸ anjaha ronsi nuan marjaga do sidea bani horbangan raja hampit hapoltakan. Ai ma sijaga horbangan ni parsaranan ni halak Levi.

¹⁹ Si Sallum, anak ni si Kore, anak ni si Abyasap, anak ni si Korah, rap pakon saninani humbani ginompar ni ompungni, halak Korahi, ai do simada horja manjaga labah ni lampo-lampo ai, usih songon ompung ni sidea bani parsaranan ni Jahowa manjaga labah harorohan.

²⁰ Anjaha si Pinehas, anak ni si Eleasar do kopala ni sidea sapari; ihasomani Jahowa do ia.

²¹ Si Sakarya, anak ni si Meselamya do sijaga labah bani lampo-lampo partumpuan ai.

²² Ganup sidea, na tarpilih ai gabe si jaga labah, dua ratus sapuluh dua halak do. Tarsurat do sidea bani buku tarombo mangihutkon huta-huta. Si Daud pakon si Samuel, na marpanonggoran ai do na pabangkithon sidea bani tohonan ni sidea.

²³ Sidea pakon anak ni sidea do tongtong bani Rumah ni Jahowa, ai ma rumah lampo-lampo ai, laho manjagai ai.

²⁴ Mangihutkon desa na ompat ai do jongjong sijaga horbangan ai, hampit purba, hampit pastima, hampit utara pakon hampit dangsina.

²⁵ Anjaha sanina ni sidea, na marianan i huta ni sidea, maningon roh do ganup papituarihon, mangihutkon horin ni sidea laho marugas rap pakon sidea,

²⁶ tapi siompat halak kopala ni sijaga horbangan ai, totap do bani jabatanni. Deba halak Levi ipabangkit do gabe sijaga kamar pakon arta ni Rumah ni Naibata.

²⁷ Inggot Rumah ni Naibata ai do sidea marborngin; ai sidea do haondosan ni parrundaonkon, anjaha sidea do siungkab labah ganup sogod.

²⁸ Deba humbani sidea manramotkon parugas tohonan ai, ai maningon bilangon do ai sanggah pamasukkon ampa padaratkon.

²⁹ Deba nari humbani sidea ipabangkit manramotkon parugas, ai ma ganup parugas na mapansing ai, sonai homa manramotkon nitak na lumat ai, anggur, minak, dahupa pakon rium-riuman.

³⁰ Na legan, ai ma humbani anak ni malim, marmasak minak humbani rompah-rompah ai.

³¹ Anjaha si Matitya humbani halak Levi, bunga tubuh ni si Sallum, halak Korahi ai, ia do ondosan ni na patureihon kuei na ginoreng.

³² Ambahni ai deba humbani sanina ni sidea, humbani ginompar ni si Kahat do haondosan ni ruti sigalangkonon, sipasirsiron ganup ari Sabat.

³³ Anjaha on ma sipandoding, kopala ni halak Levi mar sasaompung, na marianan i kamar ni rumah panumbahan, na maluah humbani parugason na legan, ai marlahoan do sidea arian pakon borngin.

³⁴ Ai sidea do kopala ni halak Levi mar sasaompung, mangihutkon partubuh ni sidea; marianan i Jerusalem do sidea.

³⁵ I Gibeon do marianan bapa ni si Gibeon, ai ma si Jehiel, anjaha si Maaka do goran ni parinangonni.

³⁶ Bunga tubuhni si Abdon, dob ai si Sur, si Kis, si Baal, si Ner, si Nadab,

³⁷ si Gedor, si Ahyo, si Sakarya pakon si Miklot.

³⁸ Ia si Miklot, ai ma bapa ni Simea; sidea pe i Jerusalem do marianan rap pakon saninani, patontang.

³⁹ Anak ni si Ner, ai ma si Kis, anak ni si Saul; anak ni si Saul: Si Jonatan, si Malhisua, si Abinadab pakon si Esbaal.

⁴⁰ Anak ni si Jonatan ai ma si Meribaal, anakni ai si Mika.

⁴¹ Anak ni si Mika: Si Piton, si Melek, si Tarea pakon si Ahas.

⁴² Anak ni si Ahas si Jaera; anak ni ai si Alemat, si Asmawet pakon si Simri, na maranakkon si Mosa.

⁴³ Anak ni si Mosa si Binea, anak ni ai si Repa, anak ni ai si Eleasa, anak ni ai si Asel.

⁴⁴ Onom do anak ni si Asel, na margoran: Si Asrikan, si Bohru, si Jismael, si Searya, si Obaja pakon si Hanan, ai ma anak ni si Asel.

1 Tawarikh

Video 1 Tawarikh 9

Ikuti Kami:

KONTAK | PARTISIPASI | DONASI