Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ On do anak ni si Israel: Si Ruben, si Simeon, si Levi, si Juda, si Isasar, si Sebulon,

² si Dan, si Josep, si Benyamin, si Naftali, si Gad pakon si Asser.

³ Anak ni si Juda: Si Er, si Onan pakon si Sela; boru ni si Sua, halak Kanaan ai do manubuhkon na tolu halak on bani. Tapi anggo si Er, bunga tubuh ni si Juda, na jahat do ia i lobei ni Jahowa, halani ai do ase matei ia ibahen Jahowa.

⁴ Itubuhkon si Tamar, parumaenni ai do homa bani, si Perez pakon si Zerah; ase lima halak do ganup anak ni si Juda.

⁵ Anak ni si Perez: si Hesron pakon si Hamul.

⁶ Anak ni si Zerah: Si Simri, si Etan, si Heman, si Kalkol pakon si Dara, lima halak haganup.

⁷ Anak ni si Karmi: Si Ahar, na manunsahi Israel, halani ibuat ugas sisiapokonon.

⁸ Anak ni si Etan: Si Asarya.

⁹ Anak na tubuh bani si Hesron: Si Jerahmel, si Ram pakon si Kalubai.

¹⁰ Si Ram, ai ma bapa ni si Aminadab, anjaha si Aminadab ai ma bapa ni si Nahason, kopala ni halak Juda.

¹¹ Si Nahason, ai ma bapa ni si Salma, anak ni si Salma si Boas;

¹² anak ni si Boas si Obed, anak ni si Obed si Isai.

¹³ Anak ni si Isai: Si Eliab, bunga tubuhni, si Abinadab anak paduahon; si Simea na patoluhon,

¹⁴ si Natanael na paompathon, si Raddai na palimahon;

¹⁵ si Osem na paonomhon ampa si Daud na papituhon.

¹⁶ Botou ni sidea ai ma si Seruya pakon si Abigail. Anak si si Seruya: Si Abisai, si Joab pakon si Asahel, tolu halak.

¹⁷ Si Abigail manubuhkon si Amasa; anjaha bapa ni si Amasa, ai ma si Jeter, halak Ismail.

¹⁸ Ia si Kaleb, anak ni si Hesron, adong do anak bani humbani parinangonni, si Asuba pakon si Jeriot; anjaha anakni ai, ai ma si Jeser, si Sobab pakon si Ardon.

¹⁹ Dob matei si Asuba, ibuat si Kaleb ma si Efrata bahen parinangonni, na manubuhkon bani si Hur.

²⁰ Si Hur ai ma bapa ni si Uri, anjaha si Uri ai ma bapa ni si Besaleel.

²¹ Dob ai iparayak si Hesron ma boru ni si Makir, bapa ni si Gilead, ibuat ma ai bahen parinangonni, sanggah marumur ia onom puluh tahun anjaha itubuhkon naboru ai ma si Segub.

²² Anjaha si Segub, ai ma bapa ni si Jair; adong do bani dua puluh tolu huta i tanoh Gilead.

²³ Tapi ibuat halak Gesur pakon halak Aram ma huta-huta ni si Jair, sonai homa Kenat pakon dusunni, onom puluh huta. On ma ganup anak ni si Makir, bapa ni si Gilead.

²⁴ Dob matei si Hesron i Kaleb-Efrata, itubuhkon si Abia, parinangon ni si Hesron ma si Ashur, bapa ni si Tekoa.

²⁵ Anak ni si Jerahmel, bunga tubuh ni si Hesron: Si Ram, bunga tubuhni, si Buna, si Oren, si Osem pakon si Ahya.

²⁶ Adong ope sada nari parinangon ni si Jerahmel, na margoran si Atara, ia do inang ni si Onam.

²⁷ Anak ni si Ram, bunga tubuh ni si Jerahmel: Si Maas, si Jamin pakon si Eker.

²⁸ Anak ni si Onam: Si Sammai pakon si Jada. Anak ni si Sammai: Si Nadab pakon si Abisur.

²⁹ Goran ni parinangon ni si Abisur, ai ma si Abihail, na manubuhkon bani si Aban pakon si Molid.

³⁰ Anak ni si Nadab: Si Seled pakon si Appaim; matei pono do si Seled.

³¹ Anak ni si Appaim: Si Isei. Anak ni si Isei: Si Sesan. Anak ni si Sesan: Si Ahlai.

³² Anak ni si Jada, anggi ni si Sammai: Si Jeter pakon si Jonatan; matei pono do anggo si Jeter.

³³ Anak ni si Jonatan: Si Pelet pakon si Sasa. Ai ma ginompar ni si Jerahmel.

³⁴ Seng adong anak bani si Sesan, pitah boru do; tapi adong ma sada halak Masir, jabolon ni si Sesan, na margoran si Jarha.

³⁵ Jadi ibere si Sesan ma boruni hubani si Jarha, jabolonni ai bahen parinangonni, gabe itubuhkon ma bani si Attai.

³⁶ Si Attai ai ma bapa ni si Natan, si Natan bapa ni si Sabad.

³⁷ Si Sabad bapa ni si Eflal, anjaha si Eflal bapa ni si Obed.

³⁸ Si Obed bapa ni si Jehu, anjaha si Jehu bapa ni si Asarya.

³⁹ Si Asarya bapa ni si Heles, anjaha si Heles bapa ni si Elasa.

⁴⁰ Si Elasa bapa si Sismai, anjaha si Sismai bapa ni si Sallum.

⁴¹ Si Sallum bapa ni si Jekamiah, anjaha si Jekamiah bapa ni si Elisama.

⁴² Anak ni si Kaleb, anggi ni si Jerahmel: Si Mesa, bunga tubuhni, ai ma bapa ni si Zif. Anak ni si Mesa: si Hebron.

⁴³ Anak ni si Hebron: si Korah, si Tapuah, si Rekem pakon si Sema.

⁴⁴ Si Sema ai ma bapa ni si Raham, bapa ni si Jorkeam; anjaha si Rekem ai ma bapa si Sammai.

⁴⁵ Anak ni si Sammai: Si Maon; anjaha si Maon do bapa ni si Betzur.

⁴⁶ Si Efa pe, parinangon ni si Kaleb, itubuhkon do si Haran, si Mosa pakon si Gases.

⁴⁷ Anak ni si Jadai: si Regam, si Jotam, si Gesan, si Pelet, si Efa pakon si Saaf.

⁴⁸ Tapi anggo si Maaka, parinangon ni si Kaleb, itubuhkon do si Seber pakon si Tirhana.

⁴⁹ Itubuhkon do homa si Saaf, bapa ni si Madmanna ampa si Sewa, bapa ni si Makbena pakon bapa ni si Gibea; anjaha boru ni si Kaleb ai ma si Aksa.

⁵⁰ Ai ma ginompar ni si Kaleb. Anak ni si Hur, bunga tubuh ni si Efrata: Si Sobal bapa ni si Kiryat-Jearim.

⁵¹ Si Salma, bapa ni si Betlehem anjaha si Hareb, bapa ni si Betgader.

⁵² Anak ni si Sobal, bapa ni si Kiryat-Jearim: Si Haroe pakon satongah halak Menuhoti.

⁵³ Ginompar ni si Kiryat-Jearim: Halak Jitri, halak Puti, halak Sumati pakon halak Misrai; humbani sidea do roh ni halak Zori pakon halak Estaoli.

⁵⁴ Anak ni si Salma: Si Betlehem, halak Netofati, si Atrot-Bet-Joab pakon satongah ni halak Manahati ampa halak Zori.

⁵⁵ Ia ginompar ni sibotoh surat, na marianan i Jabes, ai ma halak Tirhati, halak Simeati pakon halak Sukati. Ai ma halak Keni, na roh hubani si Hamat, bapa ni ginompar ni si Rekab.

1 Tawarikh

Video 1 Tawarikh 2

Ikuti Kami:

KONTAK | PARTISIPASI | DONASI