Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jadi dob salpu ai, italuhon si Daud ma halak Palistim anjaha ipatunduk do sidea anjaha irampas do Gat pakon dusunni humbani tangan ni halak Palistim.
2 Italuhon do homa halak Moab, gabe rayat do sidea hubani si Daud anjaha manggalar sohei.
3 Sonai homa si Hadareser, raja hun Soba, dohorhon Hamat, italuhon si Daud do, sanggah na tangkog ia pajonamhon harajaonni i topi ni Bah Eprat.
4 Irampas si Daud do humbani saribu gareta porang, pitu ribu bala siparhuda pakon dua puluh ribu bala sipardalan nahei; irimpong si Daud do ganup huda sitarik gareta ai, pitah saratus tumang do itadingkon.
5 Tapi roh ma halak Aram hun Damaskus sihol mangurupi si Hadareser, raja hun Soba, gabe ibunuh si Daud ma halak Aram ai, dua puluh dua ribu halak.
6 Dob ai ipadear si Daud ma tangsi i tanoh Aram, inggot Damaskus, jadi gabe rayat ni si Daud ma halak Aram anjaha mambere sohei, ai sai itumpak Jahowa do si Daud monang barang huja pe ia manlangkah.
7 Ibuat si Daud ma gantar omas, na niusung ni juakjuak ni si Hadareser, anjaha iboan ma ai hu Jerusalem.
8 Ibuat si Daud do homa hun Tibhat pakon hun Kun, ai ma huta ni si Hadareser, buei tumang tombaga; hunjai ma ipauli si Salomo use laut tombaga ai, tiang na dua ai pakon parugas tombaga ai.
9 Jadi dob ibogei si Tou, raja ni Hamat, na dob italuhon si Daud ganup bala ni si Hadareser, raja hun Soba,
10 isuruh ma anakni si Hadoram marayak Raja Daud laho manabisi pakon mangkorasisi, halani na pinorangni ai si Hadareser anjaha tinaluhonni ia, ai marsimunsuhan do si Hadareser pakon si Tou. Itongos do sagala bagei ni parugas omas, pirak pakon tombaga.
11 Ai pe ipapansing Raja Daud do bani Jahowa, rap pakon pirak, omas, na dob binuatni humbani ganup bangsa sipajuh begu-begu, humbani halak Edom, Moab, Ammon, Palistim pakon Amalek.
12 Ambahni ai italuhon si Abisai, anak ni si Seruya do halak Edom i Habungan Garam, sapuluh ualuh ribu halak bueini.
13 Ipadear ma tangsi i Edom jadi gabe rayat ni si Daud ma ganup halak Edom, ai sai itumpak Jahowa do si Daud monang barang huja pe ia manlangkah.
14 Jadi irajai si Daud ma ganup halak Israel, anjaha ipajongjong ma uhum pakon hasintongan bani ganup bangsani ai.
15 Si Joab, anak ni si Seruya do kopala ni bala; si Josapat, anak ni si Ahilud panuturi;
16 si Sadok, anak ni si Ahitub, pakon si Ahimelek, anak ni si Abyatar do malim; si Savsa juru-tulis;
17 si Benaya, anak ni si Joyada do kopala ni Kreti pakon Pleti, tapi anak ni raja ai do gamot siatasan i lambung ni raja ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA