Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Orosanna pamarenta’anna karaja’an Isra’il eator bi’ la-kapalana kalowarga, pin-pamimpinna kaom ban ra-parwira. Sabban bulan e dhalem sataon badha settong galumpo’ se atugas ate-gante sabulan benteng, epimpin bi’ settong kapala. Po’-sagalumpo’na badha pa’ lekor ebu oreng. Areya’ nyamana la-kapala galumpo’ se atugas ate-gante sabban bulanna: Bulan se kapeng settong: Yasobam ana’na Zabdiyel (jareya anggotana kaom Peres suku Yehuda). Bulan se kapeng dhuwa’: Dodai, toronanna Ahohi. Bakkella iya areya Miklot. Bulan se kapeng tello’: Benaya pottrana Imam Yoyada; jareya pamimpinna "Galumpo’ Tridasawira". (Ebakkelle ana’na se anyama Amizabad.) Bulan se kapeng empa’: Asa’el taretanna Yowab (se egante pottrana, Zebaja). Bulan se kapeng lema’: Samhut, toronanna Yizrah. Bulan se kapeng ennem: Ira ana’na Ikes, dhari kottha Tekowa. Bulan se kapeng petto’: Heles, toronanna Efraim dhari kottha Peloni. Bulan se kapeng ballu’: Sibkhai dhari kottha Husa (anggotana kaom Zerah, suku Yehuda). Bulan se kapeng sanga’: Abiyezer dhari kottha Anatot e dhaerana suku Benyamin. Bulan se kapeng sapolo: Maharai, toronanna Zerah dhari kottha Netofa. Bulan se kapeng sabellas: Benaya dhari kottha Piraton e dhaerana suku Efraim. Bulan se kapeng dhubellas: Heldai toronanna Otniyel dhari kottha Netofa.

² (27:1)

³ (27:1)

⁴ (27:1)

⁵ (27:1)

⁶ (27:1)

⁷ (27:1)

⁸ (27:1)

⁹ (27:1)

¹⁰ (27:1)

¹¹ (27:1)

¹² (27:1)

¹³ (27:1)

¹⁴ (27:1)

¹⁵ (27:1)

¹⁶ Areya’ dhaftarra la-kapalana suku e dhalem bangsa Isra’il: Suku ~~ Kapalana; Ruben ~~ Eliyezer ana’na Zikhri; Simeyon ~~ Sefaca ana’na Ma’akha; Lewi ~~ Hasabya ana’na Kemuil; Harun ~~ Zadok; Yehuda ~~ Elihu, sala settong dhari taretanna Rato Daud; Isakhar ~~ Omri ana’na Mikha’el; Zebulon ~~ Yismaya ana’na Obaja; Naftali ~~ Yerimot ana’na Azriyel; Efraim ~~ Hoseya ana’na Azaziya; Manasye se e bara’na Songay Yordan ~~ Yowël ana’na Pedaya; Manasye se e temorranna Songay Yordan ~~ Yido ana’na Zakhariya; Benyamin ~~ Ya’asiyel ana’na Abner; Dan ~~ Azare’el ana’na Yeroham;

¹⁷ (27:16)

¹⁸ (27:16)

¹⁹ (27:16)

²⁰ (27:16)

²¹ (27:16)

²² (27:16)

²³ Rato Daud ta’ mabadha caca jiwa e antarana reng-oreng se aomor e baba’anna dhu polo taon, sabab PANGERAN la ajanji ja’ oreng Isra’il epabannya’a akantha bintang e langnge’.

²⁴ Yowab ana’na Zeruya la mabadha caca jiwana tape ta’ epamare, sabab Allah ngokom oreng Isra’il lantaran caca jiwana jareya. Jareya sababba arapa bannya’na reng-oreng jareya me’ ta’ ecathet e dhalem Ketab Rato Daud.

²⁵ Areya’ dhaftarra nyamana reng-oreng se ngoros artana rato: Dhang-gudhang e karaton ban e Yerusalim: Azmawet ana’na Adiyel Dhang-gudhang e lowarra Yerusalim: Yonatan ana’na Uziya Reng-oreng se alako e teggal: Ezri ana’na Kelub Bun-kebbun anggur: Simei dhari kottha Rama Ngan-kennengngan panyempennanna anggur: Zabdi dhari kottha Syifmi. Bungkana jaitun ban bungkana ara (e babana pagunongan bagiyan bara’): Ba’al-Hanan dhari kottha Gederi Ngan-kennengngan panyempennanna mennya’ jaitun: Yowas Ebin e Talon Saron: Sitrai dhari kottha Saron, Ebin e ra-cora: Safat ana’na Adlai, Onta: Obil toronanna Isma’il, Hemar: Yehdeya dhari kottha Meronot, Dumba ban embi’: Yazis, oreng Hagri.

²⁶ (27:25)

²⁷ (27:25)

²⁸ (27:25)

²⁹ (27:25)

³⁰ (27:25)

³¹ (27:25)

³² Majadhi’na Rato Daud se anyama Yonatan, jareya panasehat se penter ban tenggi pangataowanna. Yonatan jareya ban Yehiyel, ana’na Hakhmoni, epangoros pandhidhiganna tra-pottrana rato.

³³ Ahitofel reya panasehadda rato, dineng Husai oreng Arki daddi panasehadda ban sahabadda rato.

³⁴ Saellana Ahitofel seda, laju egante bi’ Abyatar ban Yoyada pottrana Benaya. Panglima angkadan perrangnga karaja’an iya areya Yowab.

1 Tawarikh

Video 1 Tawarikh 27

Ikuti Kami:

KONTAK | PARTISIPASI | DONASI