Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Enda me daftar kepala keluarga bangsa Israel ras pegawai si ngurus dahin kerajan. Tiap bulan tahun ku tahun, ergiliren lit terpuk si 24.000 kalak ertugas i teruh pengaturen komendan i bas bulan e.

² Enda me komendan tep-tep bulan. Bulan si pemena eme: Jasobeam anak Sabdiel (ia sekalak i bas terpuk Peres; sada bagin i bas suku Juda nari). Bulan si peduaken eme: Dodai, kesusuren Ahohi (Miklot eme wakilna). Bulan si peteluken eme: Benaya anak Imam Joyada; ia jadi peminpin i bas "Si Telu Puluh" (anakna Amisabat nggantiken ia jadi komendan terpuk enda). Bulan si peempatken eme: Asahel senina Joap. (Anakna Sebadia nggantiken ia.) Bulan si pelimaken eme: Samhut; ia sekalak i bas kesusuren Ishar nari. Bulan si peenemken eme: Ira anak Ikes i Tekoa nari. Bulan si pepituken eme: Heles, kalak Eperaim i Pelon nari. Bulan si pewaluhken eme: Sibebai i Husa nari (ia sekalak i bas terpuk Serah nari -- eme sada bagin i bas suku Juda). Bulan si pesiwahken eme: Abieser i Anatot i daerah suku Benyamin nari. Bulan si pesepuluhken eme: Maharai i Netopa nari (ia i bas terpuk Serah nari). Bulan si pesepuluh sadaken eme: Benaya i Piraton i daerah suku Eperaim nari. Bulan si pesepuluh duaken eme: Heldai i Netopa nari (ia i bas kesusuren Otniel nari).

³ (1Taw 27:2)

⁴ (1Taw 27:2)

⁵ (1Taw 27:2)

⁶ (1Taw 27:2)

⁷ (1Taw 27:2)

⁸ (1Taw 27:2)

⁹ (1Taw 27:2)

¹⁰ (1Taw 27:2)

¹¹ (1Taw 27:2)

¹² (1Taw 27:2)

¹³ (1Taw 27:2)

¹⁴ (1Taw 27:2)

¹⁵ (1Taw 27:2)

¹⁶ Enda me daftar pemerentah-pemerentah suku Israel: [Suku: - Pemerentah:] Ruben - Elieser anak Sikri; Simeon - Sepatia anak si Makah; Lewi - Hasabia anak Kemuel; Harun - Sadok; Juda - Elihu, sekalak i bas senina Raja Daud; Isakar - Omri anak Mihael; Sebulon - Ismaya anak Obaja; Naptali - Jeremot anak Asriel; Eperaim - Hosea anak Asasia; Manase Barat - Joel anak Pedaya; Manase Timur - Iddo anak Sakaria; Benyamin - Jasiel anak Abner; Dan - Asarel anak Jeroham;

¹⁷ (1Taw 27:16)

¹⁸ (1Taw 27:16)

¹⁹ (1Taw 27:16)

²⁰ (1Taw 27:16)

²¹ (1Taw 27:16)

²² (1Taw 27:16)

²³ Bangsa e mulai umur dua puluh tahun ku teruh la isensus Raja Daud sabap padan TUHAN erbahan bangsa Israel bali ras bintang-bintang i langit teremna.

²⁴ Joap si nandena eme Seruya menaken nusunsa tapi la erkedungen e idahikenna. Erkiteken sensus e, iukum Dibata bangsa Israel, emaka i bas beligan si perpudi lanai pernah isuratken gelar Toap i bas cataten si resmi i bas pegawai Raja Daud.

²⁵ Enda me daftar kalak si ngurus erta kerajan: Si ngurus gudang kerajan eme: Asmawet anak Adiel. Si ngurus gudang setempat eme: Jonatan, anak Usia. Si ngurus si erdahin i juma eme: Esri anak Kelup. Si ngurus kebun anggur eme: Simei i Rama nari. Si ngurus asil gandum eme: Sabdi i Sepam nari. Si ngurus buah saitun ras batang ara i kaki gunung arah Barat eme: Baal Hanan i Gedea nari. Si ngurus ingan minak saitun isimpan eme: Joas. Si ngurus asuh-asuhen i Saron eme: Sirtai i Saron nari. Si ngurus asuh-asuhen i baluren-baluren eme: Sapat anak si Adlai. Si ngurus unta eme: Obil kalak Ismael. Si ngurus kalde eme: Jehdeya i Meronot nari. Si ngurus kambing ras biri-biri eme: Jasir kalak Hagri.

²⁶ (1Taw 27:25)

²⁷ (1Taw 27:25)

²⁸ (1Taw 27:25)

²⁹ (1Taw 27:25)

³⁰ (1Taw 27:25)

³¹ (1Taw 27:25)

³² Jonatan senina bapa Daud eme penasehat Daud, penasehat si beluh dingen meganjang sekolahna. Jonatan ras Jehiel anak si Hahmoni kepala pendidiken anak-anak raja.

³³ Ahitopel penasehat raja dingen Husai kalak Arki teman janah penasehat raja.

³⁴ Kenca Ahitopel mate, si jadi penasehat raja eme: Abiatar ras Joyada anak Benaya. Si jadi puanglima tentera kerajan eme Joap.

1 Tawarikh

Video 1 Tawarikh 27

Ikuti Kami:

KONTAK | PARTISIPASI | DONASI