¹ Dekam zebe hwena okama ese naban ngli ese naban akek. Sap okama epba naban ngli epba naban mes jek-jak nek– hendep hi mae naban.
² Ki zebe hwena e lalak yawala insa hla tak– kim ngatan zi mo lang nakon ati gwe ineꞌan zaka, Alap zere onakon. Zen Yerusalem ese. Desa Alap Zen hamal taka– zao de Zen zi niban golelowehe gwen hap. Zep dawemkam wer tyasiki– san de we esesa de weir gulsunnu kiye.
³ Ki zebe hwena ola sak– Alap mo komal tum alpna in kon kim mam enkam egu anek, “Alap angkam apdekam zi niban golelowe heꞌara. Zen sa tingare zi ausuna bi gwibiridala, hen kitak sa betek ne gweblal. Zen sa golelowehe gwera.
⁴ Zen sa zeno mae mo nwe go-hona ngan tasibir-zimdi. Dekam molya etan juwenna hla nuk. Go naban enlwan naban hen sang-sangna dekam etan hom– zebon mae onakye. Sap epba lowe henna in mes jek-jak gwek.”
⁵ Hwena Alap ki zep gu aneka, “Aene angkam kitak ese guꞌun.” Ki zep hen asa gubluka, “Ola ansa ale gul, sap an eiwa de tanganna. Taiblibin hip man tangan dakastiꞌin.”
⁶ Etan ki zep gu aneka, “Angkam mes sowe henan! Ëe an nonol lonesen nakore Zi, hen aumwa topnak de Zi. Auhu-kama yang gulsun sremnake gwek, hen okama hom gwennak Ëe nama asa gwe gwer. Men zen de eho-hole gweꞌak, Ëe asa zebe mae hap golzim– dekam de hendep de gwen hap de aili ho nakore hosa totoresa otdebin hip.
⁷ Men zen de Abon onak tatem ezauꞌuk, zen dawemna insa sa hla nul. Ëe asa desa golelowehe gwer, hen zen ano walaskam sa lowehe gwer.
⁸ Hwena enlala karek-karek zini, desa serkam de syauk bla hi-hitin sal-salak sa yal nulser– mensa nen gwibirinke, ‘Hendep de tin hip dena.’ Karek gol gwen zini, zen a kirekam de zisi moye: Tatetekam de zaun srem wenya, zini men zen ek enkam eKristen gwek, enlala hole-hle zini, zi tan zini, kahalo soson wenya, meiyerak de hlaul gwen zini, yang tabin dowalsa de betek gwibirida gwen wenya, hen boton tam zini. Zen kitak syauk bla san de yal gulsen hap dena– mensa nen gwibirinke, ‘Hendep de tin hip dena.’”
⁹ Dekam zep ahanik in zen tujukam de aumwa hap de jala bare panci hona okamanak hlei nulsukin gweꞌak abon onak hata zaka. Ki zep ze asa gublu zaka, “Haen. Anik Alap mo Domba Tanena in hap de we golgublunna insa ep goltreblak.” Hwena eiwakam de wesya hom enlala gwibirki. Zen hwena Yerusalem esesa ki enlala gweblaka.
¹⁰ Zao zep Alap mo Enhona asa etan bi gweblaka, ki zep hendep Alap mo dam taha nakore zini in kwatap yawal san dep asa zersong gweka. Dekon zep e lalakna Yerusalem esesa abe hap zertreblaka. Ëna in dekam Alap zere onakon ati gwe ineꞌan zaka.
¹¹ Ëna in ngatan tanganna hen angtan-angtanna, sap Alap Zena Zen zewe gwe gwenda. In zep kirekam tangan ngatan gweka. Zeno angtan-angtan gwenna, menkam te-ala esesena, menkam kaca ngap-ngap makan– san de kaso lilingtin dawemna kiye.
¹² Ëna in zeno alp-alp san de kola gulk en tanganna. Lilikinni dua-blas enkam. Yakla hata sezan san dan-ahan, yakla nikin anen san dekam hen dan-ahan, eihya-lip san dan-ahan, hen eihya lip san dan-ahan. Alap mo dam taha nakore zini aha-en aha-enkam dua-blaskam de lilikinni insa kara da gwibirin. Lilikinni in Israel mo dua-blaskam de zi ausu mo bosemse naban.
¹³ (21:12)
¹⁴ Ëna in mo kasokam de mokona dua-blas enkam. Zewe mes Alap mo Domba Tane mo dua-blaskam de dam tasibin zi mo bosem-sena aha-en aha-enkam ale dabir-zim nirak.
¹⁵ Alap mo dam taha nakore zini in debane aisil eꞌak, zeno emas nakore metera ki– ena insa dikim ukur tan hap dena, sap lilikin-lilikinni hen kasokam de kol kong ta zahenna insa.
¹⁶ Ëna in, zeno lwanna persegi empatkam. Alap mo dam taha nakore zini in dekam zep metera inkam akasiblika. Ëna in mo blala eihya san dep 2400 kilometer enkam. Eihya san dep hen ki en, hen eihya-lip eihya-lip san hen kire enkam. Zeno gulk sun de blala hen kirekam– 2400 kilometer enkam.
¹⁷ Ki zep hwena Alap mo dam taha nakore zini in kasokam de kol kong ta zahenna insa meter tankam akasiblika. Zeno gulk enna 66 meter enkam zep lwak. Metera in dekam meter taka, zen apdenak blala– mensa hen auhu-kama zini ba maesa dikim akasibin hip nurensik gwenanke.
¹⁸ Kol hap de kaso kong ta zahenna in, zen te-ala esesekam de kaso lilingtin nikon de syal gweblan danna. Hwena ena in zen emas tangankam syal neblak– lalak tanganna, san de kacana kiye.
¹⁹ Hwena ena iwe de kaso mokona, zen mes kirekam-kirekam kaso lilingtinkim nwe-awes da zahek. Hen dua-blas enkam de kaso mokona in, zen hen kaso lilingtinkim syal neblandak. Nonol kasona, zen te-ala esesena. Zao dena ngli kailim kakakna. Zao de wenya te-ala esese ngap-ngapna. Zao de wenya te-ala esese naban yong-yong naban de siri nenna.
²⁰ Zao de mokona, kaso lilingtin kal-kala ban kakak naban. Zao dena, kal-kala ban ngap-ngap naban. Zao dena, yong-yongna– san de kacana kiye. Zao de wenya, ngli kailim kakak naban te-ala esese naban. Zao dena, yong-yong tanganna. Etan zao dena, te-ala esese naban ngap-ngap naban. Zao dena, zen kal-kala ban yong-yong naban de siri nenna. Aumwa hap dena, zen sam dan kil makarena.
²¹ Dua-blaskam de lilikinni in kitak kaso ngap-ngapkam de syal gweblan danna– san de sasyan ngap-ngapna kiye, kirekam de kaso nakon. Aha-ere lilikinni zen aha-ere kaso yawala kon de syal gwizimdinni. Ëna iwe de ora-orana zen emas tangan nakon de syal gweblan danna. Zeno lalakna men kiye– kaca lalak tanganna.
²² Ëe home ena iwe Alap mo gola hla tak. Soson Zini Bian Alap Zena, Domba Tane zeban Zen Zen nwe-mase e gweꞌara– san de zewe de gola kiye. Sap zewe de zini Zebon nebon en sa lowehe gwer.
²³ Ëna iwe yakla naban ben naban ba hap de zin hip? Sap zewe Alap Zen Domba Tane zem in han serkam ngatan e gwenda.
²⁴ Tingare langnak de zini sa ena in mo ngatannak lowehe gwer. Hen teipsin-teipsin wenya sa zere mae mo irik ginnik de kire-kire dawemna ena iwe dep kap dahal gwezal.
²⁵ Ëna iwe de lilikin-lilikinni molya nasohlasik gwek. Talusun en nik sa elwa gwera, sap zewe kawesinni hom.
²⁶ Tingare lang nakore kire-kire dawemna hen heꞌho gwibin hip dena sa kap dahal gwezal.
²⁷ Hwena enlala karek-karek zini, hen men zen kirekam-kirekam karekna nurensik gwenan, hen boton tam wenya, zen molya tangan ena iwe biti gwek. Diki men zeno mae mo bosem-sesa ale dabir-zimk Domba Tane mo engaya gwen hap de zi mo bosemse nabare bukunak, zen zen en sa biti gwer.