¹ Ëe ki zebe Alap mo dam taha nakore zi sosonna ahanaka hla tak– ngatan zi mo lang nakon kim ati gweꞌan zaka. Zen but zerati gwezak, hen boge alpna nolak lak gwe heblak. Nwe-masena hen yakla mo kim ngatan gweblaka. Zeno tanana hendep ik danna men kiye– syauk hitinni.
² Tahakam buku lak gun beteksa gwirensiki, hwena zen hil gil sonen nik lwaꞌak. Dam tanana hinak zauk ineka. Irgwa tanakam kamanak zauk ineka.
³ Ki zep ol mamkam takenka– singa mo zairin makan. In kim ki Alap mo dam taha nakore zini in takenka, dekam zep ngatan zi mo lang nakon ola mamkam wet sok– san de ngli glungna kiye, tuju enkam de tadrenna.
⁴ In kim tujukam de ngli glung makare ola in zausuk, ee dekam zebe sap ale gun hup enlala gweꞌak. Hwena anakane ngatan zi mo lang nakore olsa ahanaka sak, “Emki tujukam de ngli glung makare ola insa ere en hap aning gun. Bahem ale gun.”
⁵ Dekam zep Alap mo dam taha nakore zini men zen hinak zauku hen kamanak, zen ki zep dam tahana ngli san dep teisya ineka,
⁶ dekam zep ngaya zini Alap mo bosekam gu ineka, “Alap men Zen kitak yang tabirki, sap nglina, okamana, hina, hen zewe de kirekam-kirekamna, ee zeno bosekame emsa gu-gubiridaꞌan: Zen molya etan yakla yala insa esek gulku.
⁷ Hwena Alap mo dam taha nakore zini tujuna in kim de sramin zemka gubir aneꞌanka, Zen dekam sa zere mo kalang gwe gunnu syal gwibiri– mensa orep zere mo ol ayang gul gwen zi en hap goltrei gwizimkike.”
⁸ Dekam zebe ngatan zi mo lang nakore ola insa etan sak, anakan kim asa tonblaꞌanka, “Em buku kwala so gunnu insa de gon hap song gwen– in zen zini in mo tahanak lwaꞌanke, men zen anakan zauꞌura, aha tanakam hinak, aha tanakam kamanak.”
⁹ Ëe dekam zebe hendep zebon osan dep song gwek, hendep abe tak– zen dikim buku betekna insa abe hap golblan hap. Ki zep asa gubluka, “Emki gul irin, hendep twinbir. Mip ennak sap derek naka esa eisbiri– men kiye, sobwal hona. Hwena ungala mwanak sa husus gwer.”
¹⁰ Ëe ki zebe zeno tahanak gulink, hendep twinbik. Mipnak sobwal ho derek makare nakae eisbik, hwena kime ala gwibik, dekam zebe husus gwibik.
¹¹ Zao zep hen asa nenblak, “Bukuna insa twinbiri, zewe de ola insa em etan gol haladan. Sap zen ngein sin de kirekam jowen hap dena– tingare zi dikim etawa gwen hap, sap men-kore men-kore zi ausu, sap kirekam-kirekam sop zi ausu, hen tingare ol ton gwibin zi ausu, hendep sap teipsin-teipsin wenya.”