Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Onda intua ki Yesus nongonguman kon tobatuí porumpama'an sim potunduí ko'i monia simbaí mosia umuran mosambayang bo umuran moropot ing gina.
2 Ki Yesus noguman, "Aka tobatuí kota oyuíon in hakim inta diaí mo'ondok ko'i Allah bo diaí doman mopandungmai kong kasusahan in intau.
3 Kon tua oyuíon doman intau inta dongkadon boba-bobay. Sia umuran mamangoi kon hakim tatua bo moguman kainia, 'Tuḷungaipa in aku'oi nongkon oaíid in saturuku.'
4 Aindon kotongonu degaí im bobay tatua mayakmai kon hakim tatua ta'e umuranbií doman doií motuḷung in hakim tatua ko'inia. ta'e pangabisannya hakim tatua norai nana'a, 'Umpakahbií aku'oi na'a diaí mo'ondok ko'i Allah bo diaí doman mopandung kon tumpaḷa intau,
5 ta'e lantaran bobay tana'a bo umuranbií moganggu ko'inakoí, daí manikah bo duduiankudon in ibognya. Sin aka diaí yo umuranbií in sia mamangoi bo mokiposusahmai doman ko'inakoí.'"
6 Bo ki Yesus noguman doman ko'i monia nana'a, "Tarukira onu inta siningog in hakim inta diaí mo'ondok ko'i Allah tatua.
7 Umpakah yo diaí tuḷungan i Allah in intau inta aim pinilií-Nya bo inta umuran doman mokuani ko'i-Nia doḷom bo singgai? Umpakah yo onggo-onggotan-Nyapa in wakutu-Nya motuḷung ko'i monia?
8 Popirisayabií: tuḷungan-Nyabií im mosia. Ta'e aka Adií Intau mamangoi, yo oyuíonpa degaí in intau mopirisaya ing kon dunia na'a?"
9 Ki Yesus nongonguman kom porumpama'an tana'a, sing kon tua oyuíon in intau inta monganggap kon tongaíbií mosia intau mobanar bo intau ibanea inanggap monia komintanbií binaradosa.
10 Ki Yesus noguman, "Oyuíon intau doyowa minayak im Baḷoi Tuhan sim mosambayang. Tobatuí intau im Parisi, tobatuí im mononagih kom pajak.
11 Intau im Parisi tatua sinimindog sinumontanií bo nosambayang kom bonu ing ginanya nana'a, 'Oh, Allah, aku'oi mopoyaput in sukur ko'i-Nimu, sin aku'oi diaí naí intau ibanea modunia, diaí moaídil, mo'ibog monualing, bo diaí kototabi kon tumpaḷa intau. Bo aku'oi in diaí doman naí intau mononagih kom pajak tatua.
12 Aku'oi im mopuasa kodua in todiminggu, bo kom pomuḷoi in diminggu aku'oi umuran mobogoi im mopuḷuh noporsen nongkon onu inta no'uliíku.'
13 Ta'e mononagih kom pajak tatua sinimindog iyumayuk bo diaí doman kobalií ḷumangag kon ḷangit in nosambayang. Sia tongaí kopia moyapu kon dodobnya bo nosingog nana'a, 'Oh Allah, kotabipa in aku'oi na'a, sin aku'oi na'a intaubií baradosa!'"
14 "Baí poguman-Ku ko'i monimu kon sambayangbií im mononagih kom pajak tana'a in sinarima i Allah, de'emanbií sambayang intau im Parisi. Sing ki ine mosiḷantud, yo sia im po'ompa'anbií, ta'e ki ine mo'ompaí in dodia, yo sia im poḷantudonbií."
15 Oyuíon in intau namangoi ko'i Yesus bo nodia kom mongoaídií mita simbaí kadaian-Nya mita i mosia bo barakatan. Noko'ontongmai kon natua, murií-Nya mita sinumoruí kon intau mita tatua.
16 Ta'e inoinií i Yesus im mongoaídií mita tatua bo noguman kom murií mita, "Pomayak makow im mongoaídií mita tanion im mamangoi ko'i-Nakoí; dona'ai ampagan, sin intaubií naí mita nion im mobalií umat i Allah."
17 Torop kopira in singog-Ku na'a, "Intau inta mamangoi ko'i Allah ta'e diaí naí mongoaídií mita tana'a, yo mosia in diaíbií mobalií umat i Allah."
18 Oyuíon tobatuí itoi intau Yahudi noliboí ko'i Yesus, "Pak Guru, Inta mopia totok, onu im musti aidanku simbaí moko'ulií in aku'oi kong kobiagan mononoi?"
19 Daí ki Yesus notubag, "Nongonu sin ikow im mogumanbií kon Aku'oi im mopia? Diaíbií tobatuímai im mopia, kolikudbií ing ki Allah tontanií.
20 Aim bidon kinota'auanmu im parentah mita i Allah: 'Dika monualing, dika molimod, dika monakow, dika moguman kon inta diaí totu'u bo hormaton ing ki amaí bo ki inaímu.'"
21 Daí kaiín intau doman tatua, "Tua komintan aindon dinuduianku nongkon mongoaídiíanpamai."
22 Nokodongogmai kon tua ing ki Yesus, noguman in Sia nana'a, "Tobatuípa im musti aidanmu: Potaḷuidon im bayongan kapunya'anmu bodongka sila-silaidon makow in doit tatua kon intau mita bogaí, daí moko'ulibií in ikow kong kapunya'an kon soroga, mopaḷut makow kon tua angoi bo dudui ko'i-Nakoí."
23 Ta'e naonda in sia nokodongog kon onu inta pinoguman i Yesus tatua, noaíjar totok ing ginanya sin sia nobiag no'oyuíon.
24 Daí ki Yesus nobobui ko'i monia komintan inta kon tua bo nosingog, "Mororiga totok intau inta kodoit mobalií umat i Allah.
25 Aka poyobandingon yo untapa im mogampa-gampang tumu'ot mongim bubuí in dodagum daripada intau inta no'oyuíon mobalií umat i Allah."
26 Intau mita inta nokodongog kon singog i Yesus tatua noliboí bui ko'i Yesus nana'a, "Aka natua daí ki ine im posaḷamaton?"
27 Ki Yesus notubag, "Inta diaí mota'au aidan in intau, mogampangbií i Allah aidan!"
28 Daí ki Petrus noguman, "Pak Guru, indoiaikah ing kami! Kami na'a aindon nonaḷaímai kom bayongan yagi-yagi kapunya'an nami bo dinumudui ko'i Pak Guru, yo onu im mo'ulií nami?"
29 Ki Yesus noguman ko'i monia, "Popirisayabií! Intau inta aindon nonaḷaímai kom baḷoinya, nonaḷaímai ko'i buḷoinya, nonaḷaímai ko'i utatnya mita andeka nonaḷaímai ko'i inaí bo ko'i amaínya andeka ko'i adiínya mita sim mobantung ko'i-Nakoí,
30 yo intau tatua im bui motarima kon doyowa noguntuḷ nongkon inta aindon no'uliínya muna kom masa in tana'a, bo kon singgai inta mo'iduduimai sia im motarima kong kobiagan mononoi."
31 Ki Yesus nogoinií kom murií-Nya mopuḷuh bodoyowaí bo noguman nana'a, "Indongogai! Tana'a makow kita mopobayakdon in Yerusalem, bo bayongan inta aim pinais in nabi mita soaáḷ Adií Intau in intompodandon kon tua.
32 Sia im posarahkandon kon intau mita inta diaí nonota'au ko'i Allah, poyambaíon monia in sia, singkuleon bo duyaían monia.
33 Pogutuíon monia in Sia bo poḷat limodon, ta'e kon singgai intoḷunya, Sia mobiag bui."
34 Singog i Yesus tatua, diaíbií kino'mangalean im murií-Nya mita tatua. Mangale in singog mita tatua in sinoko'bunibií ko'i monia. Daí diaíbií kinota'auan monia mongo onu in ino'uman-Nya tatua.
35 Naonda ing ki Yesus nodiugdon kon Yerikho, oyuíon tobatuí intau bilog inta ilimituí makow kom bingkií in daḷan bo mo'igumai kon doit kom bayongan intau inta mo'itotalib kon tua.
36 Wakutu in dingognya kon nobayong in intau no'italib, sia noliboí, "Onu in nobalií?"
37 Daí kai'n tubag doman monia kon intau bilog tatua, "Ki Yesus intau in Nazaret no'italib."
38 Daí intau bilog tatua baḷuí bo nomaḷuí, "Yesus Adií i Daud, kotabipa in aku'oi na'a!"
39 Intau mita kom muna nongampag ko'inia simbaí diaí momaḷuí ta'e tongaíbií nodugang noropot pinomomaḷuínya, "Adi i Daud, kotabipa in aku'oi na'a!"
40 Daí ki Yesus sinumogon bo noguman, "Dia mangoi kon na'a in intau tatua." Bo naonda in no'iyaputdon ko'i-Nia, ki Yesus noliboí ko'inia,
41 "Onu ing ko'ibogmu aidan-Ku ko'inimu?" Intau tatua notubag, "Tuhan, mo'ibog in aku'oi moko'indoi!"
42 Daí ki Yesus noguman, "Aka natua, yo indoidon! Lantaran ikow bo mopirisaya ko'i-Nakoí, daí mopia in ikow."
43 Kon dodaipa doman tatua bo noko'ontongdon in intau tatua poḷat dinumudui ko'i Yesus bo sindaḷan modayow ko'i Allah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA