¹ Suratna an, ere mo somol hap– mensa hen Alap ngaya gwen hap dam gulsukuke, hendep walas zeban, zi bogola abon onakon: Dawem! Ëe ama emsa kitak kwasang gwibirida gwenan, sap nen apdekam Alap onakore eiwa de ol sane ang ta gwenan. Hen tingan men zen eiwa de ol san ang ta gwenan, zen hen man emsa kwasang neibirida gwenan.
² Nen mae habe nenaka kwasang eibirida gwenan: Sap Alap mes eiwa de ola neno mae mo enhonak ing gul soneka, hen ola in molya nebon mae onakon jek-jak gwek.
³ Bian Alap Tane Zem Kristus Yesus hun sa dawemna hen kwasang-kwasang zemka mamkam nebe mae hap ol gwizimdi. Hen nen zere nik mo taha terenak esa lowehe gwer. Zen kirekam sa nebon mae lwa gwer– nen de nama kwasang-kwasang naban eiwa de ol san ang ta tine gwenkamye.
⁴ Ëe ama tangan sam gwesik eno ahakore walassa de anakan salbiridankam, “Zen eiwa de ol san ang ta gweꞌan”– men kirekam Bian nesa gubiridakake.
⁵ Ano dang tininak de wenya, nen nenaka kitak kwasang gwibirida gwen. Kirekam de ep ale gulzimdinkim, ee ol ese san dep home emsa titi tabiꞌin. Hwena men desae orep nena esane gwe-gwekke– desae etan ebe mae hap ese gulzimꞌin.
⁶ Kwasangna in a dekam esa oltrei gwizim: Bian mo ol san de ang ta gwenkam. Hen mam tangan wenya, mensa nonol lonesen nakon ena esane gwe-gwek, zen a kirekam moye: “Em enaka kwasang gwibirida gwen.”
⁷ Sap yasik tabin hip de zini bira! Zen beya nik e-e san namjanbiridanda gweꞌan. Zeno mae mo tawa tabinni, zen a kirekam moye, “Kristus Yesus Zen zi tangankam hom okamanak hata zaka.” Zep zi de kirekam emsa gubiridanna, zen emsa de yasik tabin hip de zi hen Kristus mo jal zi. Zeno mae mo teipsinni, zen sa hata zala. Hwena zen in angkam zeno olsa ebe mae hap hamal hap ayang nul gwizimꞌin.
⁸ Em hwena ora dawem sane ang ta gweꞌan, zep dawem enkam enaka kara la gwibik. Sap Alap ngatan zi mo langnak dawemna mam naka nebe mae hap lam gulzimꞌira. Hwena eme etan aha ora san ang taꞌak, ki em molye dawemna insa ulink.
⁹ Anakan mana emsa yasik dabirink, “Em in namae Kristus hup de tawa tabin ennak langanak lowe heꞌan. Desa baes eibik. Ëe mese til kinin ora san hles yablak.” Hwena kire zi mo enhonak Alap hom gwe gwenda. Diki men zen Kristus hup de tawa tabin ennak lowehe tine gwenan, zen diki kire zi niban Bian Alap Tane Zem Yesus hun enho nakon olelowehe gwenda.
¹⁰ Zep zi de ebon mae onak sre de ora san dep de tawa tabinsi golhata zanna, bahem gola kon zer irin, hen bahem mae anakan gublun, “Dawem.”
¹¹ Sap em de kire zisi zer irinkim, em hen dekam mese jowenda– san de syal bose zem.
¹² Ano ola sap nama beyana– desa de ebe mae hap ale gul sonezimdin hipye. Hwena ama enlala gweꞌan, “Suratkam ba hap de.” Diki dawemna amjanbinkim de emsa ekkam tawa tabin hibe dwam gweꞌan. Dekam neno mae mo isrip-srina sa tangan taman kinil.
¹³ Eno we aya mo walasna– mensa hen Alap engaya gwen hap dam tasibirki, dawem ensa ebe mae hap nol sonezimk.