¹ Orep Yahudi bong-bongna kim lowehe gwek, dekam yasik tabin hip de zini man hen zere mae mo ngirin nikon esaltil gwek. Zen zep anakan boton da gwibik, “Ëe an Alap mo olsa de ebe mae hap ayang gul gwizimdin hip de zi.” Zep kirekam de zini sa hen angkam ebon mae onakon esaltil gwer. Zen aningkim sa zere mae mo tawa tabinni mas nul gwer, hendep ahakon zeno mae mo ol san de ang tankam sa syauk sun dep de ora san ang ta gwer. Teipsin Zini Yesus Zen mes Zenaka zerguku– zini insa dikim sap ngaya tabin hip. Hwena zen anakan sa egu gwer, “Kristus ensa de blol gweblanna hom sowe heꞌan. Diki syala ansa em mas gun.” Hwena Alap nabakam sa desa timbwas tabiri.
² Sap eiwa kirekam, hwena zini beyakam sa zeno mae mo hole-hle san dep de yasik tabin ola in san ang ta gwer. Zen zep sa hwena eKristen gwen srem wenya tingare Kristen zini nesa anakan nenbirida gwer, “ËKristen gwenkam, dekam hwena karekkam lowehe gwenan.”
³ Yasik tabin hip de zini in te-ala hap de hole-hlena. Zen zep sa totore olkam emsa tawa da gwibir– em dikim te-alasa zer gwizimdin hip. Hwena Alap zebe mae hap de syauknu orep mes hamal tazimki. Zen de timbwas gun nukon molya eheya-hya gwek, sap nen toton banakan dep? – Alap mo nwe nakon de eani-ning gwen naye!
⁴ Sap Alap zere mo dam taha nakore zini, zen hen Alap mo jala hlaunkum. Zen kim ahakon orep tangan ekarek gwek, Alap hom dekam desa kwasang gwibiridaka. Zen hwena hendep de juwen zi hip de bwi kawesinnik yal gul neka. Hendep zen nama ze kama hul kawesinnik iwe lowehe gweꞌan– hendep aumwa hap de klis gun hup de yaklanak de hataꞌak.
⁵ Hen orep de epba bongna Nuh kim golegwe gweka, dekam de zini hen ki Alap mo jala hla nuk. Dekam Nuh sap Alap hon dikim etal gwesin hip de olkam tonbirida gweka, hwena dekam de zini in hen hom Alapsa daibliblak. Zep hendep ho namwakam karek tabirki. Hwena Alap Nuh zena en naka we wal walas zem tuju enkam desa en zep ngaya tabirki.
⁶ Dekam etan ki hen kirekam lwak, e yawal darena Sodomk hen Gomorak. Desa hwena syaukkum timbwas soka, hendep man tangan nahwasdek. Alap e darena insa ol tan-tan makan tehaka– nesa dikim anakan gubiridan hap, “Zini men zen Asa baes ne gweblanan, an kirekam sa hen zebon mae onak jower.”
⁷ Dekam Alap Lot Bak ensa ngaya taka, sap zen zen en zere mo nwenak dam-dam enkam gwe gweka. Zen kim zewe de zini kahalo ennak de lowehe gwennak kara ta gwibirki, hen kirekam-kirekam karek gulin halasen gwennak, zeno enlalana man tangan dowebla hana gweka.
⁸ Lot Bak zena enna enho dawemna. Hwena zen mwin-mwankam karek gol gwen zi mo ngirinnik gwe gweka. Zep desa de nwekam kareksa de syal gwibinnik hlauluda gwenkam hen ikim de sane ta gwibinkim, zeno enhona man tangan dowebla hana gweka.
⁹ Zen in zep man tangan dam gwesinin: Alap mo sosonna ki– Zenaka de betek gweblan zisi de tin hip de karek nakon gwiswe sone gwen hap denaye. Zeno sosonna hen ki– karek gol gwen zisi de bwi kawesinnik yal gulne gwen hap denaye. Zen zao sa lowehe gwer– hendep aumwa hap de klis gunnuk de hataꞌak.
¹⁰ Nonol tangan men zen zere mae mo auhu-kama tim nikore hole-hle san ang ta nasen gwenan, hen men zen Alapsa de betek gweblanna baes ta gwenan, zen desa sa kirekam gweibiridala. Yasik tabin hip de zini in zena-zenana hen bolte-boltena. Zep zen hom ngatan zi mo langnak de wenyaka de lamang tabin hip eairi gwenan– sap Alap Zena, Tane zem Yesus, hen zere mo Enhona, hen sap zere mo dam taha nakore zi maesa de lamang tabin niye.
¹¹ Hwena sap diki Alap mo dam taha nakore zini in, zen zen– soson tangan wenyaye. Hwena nesa in zen yasik da gwibirin, zen soson naka hom. Alap mo dam taha nakore zini in, zen sap ki zi mo karekna Alap hap noltre gweblanan, hwena zebon mae onakon ol lamang ola hom mae wet so gwenan.
¹² Hwena yasik tabin hip de zini in, mensa zena tame nul srem gwe-gwenan, zen desa man lamang nul gwenan. Zen enlala srem tanganna– men kiye, gwenya. Gwenya zen mae en hap ki lowehe gwenan: Zi de tahyo gwen hap hen tamera gwen hap. Yasik tabin hip de zini in hen kirekam. Zen timbwas tabin en hap ki lowehe gwenan.
¹³ Zeno mae mo yasik tabinni in, zen dekam hen zi dawem-dawem hap karekna nol gwizimnin. Zen in zep sa Alap serkam de kareknak kang gulu. Zen in kwae naban! Zen man esam gwesik gwenan– damnak de kirekam-kirekamsa gulin hala seranna. Hwena karekna insa de ber-ber gunkum, zen man Kristen zi dawem naban de apdekam tembane tan hap esam gwesik gwenan– aha zi mo nwenak dikim anakan enwe-mase gwen hap, “Zen an hen zini dawemna.”
¹⁴ Hwena zen kahalo enlala naban ekaratda gwenda gwenan. Zen hom kareksa de hole-hle gwe-gwibinni eblalen gwe-gwenan. Ëtatete gwen srem wenya, desa man karek san dep wan-wan da gwibirin. Kirekam de zini mes hen te-alasa de zere mo boton nakon gulin gwen hap de orana dam dasindak. Zen zep sa Alap heip gulu.
¹⁵ Yasik tabin hip de zini in mes ora dam-damna baes neblak, zep hendep gwa san dep esyalhek– men kirekam hen Beyor Bak mo tanena Bileyam Bak syal hekake. Bileyam in hen man zere mo tawa tabin karek nakon de te-alasa gulin gwen hap hole-hle gwe-gweka.
¹⁶ Hwena zen in zep Alap damnak dei yul gubluka– zere mo keledaina in kim oranak owas hap zi olkam jalse gweblakaye, dekam de zere mo mamakkam de syala insa baes gwibin hip.
¹⁷ Yasik tabin hip de zini in, zen men kiye– dobe jop dan enna. Zi de e nakon akenna tim gunkum, “Dobena ki.” Hwena hom tol. Zini in hen o il ti gwen sremnak de okawen makan. Okawensa de hla tankam dekam de anakan syal-syal gwen, “Namen sa ona il tila.” Hwena hom tol. Zini in hen kirekam: Ëse hlauludannak dekam kil tibinkim, “Zini an dawem-dawemna.” Hwena Alap mes zebe mae hap bwina serkam de kawesin tangan naka hamal gul guzimki.
¹⁸ Yasik tabin hip de zini, zen hen anakan egwe gwenan: Zere mae mo boton olkam zenaka ben-jana da gwibirin. Hen men zen sap ora gwa-gwasa de hli tan hap ealp gwe-gweꞌan, hwena yasik tabin hip de zini in zol makare naka eiyas da gwibir-zimnin– anakan de gubirida gwenkam, “Haen, nen de kirekam nere mae mo hole-hle san ang ta gwenkam, Alap molya nesa husus gwibiridaka.” Hendep dekam zep etan auhu-kama hole-hle san hen kahalo san dep nolelwandahal gwenan.
¹⁹ Zen anakan kil nil gwenan, “Nen mese Kristen zi mo kirekam de lowehen nakon ehil gwe hanak. Nen tahalebin srem nike lowehe gwenan.” Hwena auhu-kama hole-hlena mes tahalebik, sap zere mae mo hole-hlena in zen sil tibirhal gwenan. Sap tingan men zen zere mae mo hole-hle san ang ta gwenan, hwena hole-hle enlalana in mes zeno mae mo enhona al tak.
²⁰ Kwasang tol! Diki ngaya tabin hip de Zini Bian Yesussu de tame tankam nen eiwa ema auhu-kama hole-hle nakon ehil gwe hana gwenan. Hwena men zen Yesussu de tame tan nakon etan desan dep lwan dahal gwenan, ki zen banakan molya etan hulenna in kon wet so gwek, hen zen mes tangan zere mae hap de karekna mam nuk.
²¹ Eiwa, kwasang tol! Zen ora dam-damsa de tawa gweblan sremkam de tinni maka esam gwesik. Dekam Alap molya serkam karek tabiꞌinam. Hwena zen mes Alap hon dikim etal gwesin hip de orana tawa neblak, hwena man desan en de ang tan hap baes tak.
²² Zep men kirekam zini egu gwenan, zen zebe mae hap dakastilzimꞌin– anakan mensa egu gwenanye, “Lwana u sang-sang hap de wek gwenkam, zen sa etan twenblala.” Anakan hen ki egu gwenan, “Gwe zahona sap esa hokam ngan tasili, hwena eitinak sa etan tal hera.”