Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai roh ma hun dohor boru ni si Zelofat, anak ni si Hefer, anak ni si Gilead, anak ni si Makir, anak ni si Manase, humbani marga Manase, anak ni si Josep. Anjaha on do goran-goran ni boruni ai: Si Mahala, si Noah, si Hogla, si Milka pakon si Tirza.
2 Lanjar jongjong ma sidea i lobei ni si Musa pakon i lobei ni Malim Eleasar pakon i lobei ni sagala pambobai ampa ganup kuria ai, i lobei ni labah ni lampolampo partumpuan ai, nini ma,
3 “Domma matei bapanami i halimisan, tapi seng dihut ia i tongah-tongah ni halak na sapartahian ondi, na manjahati dompak Jahowa, sagala na mangirikkon riah ni si Kora, tapi halani dousani do ia matei, lang martinading anak.
4 Mase ma maningon sasap goran ni bapanami hun tongah-tongah ni bangsani, halani lang martinading anak ia? Bere nasiam ma bennami parbagianan i tongah-tongah ni sanina ni bapanami!”
5 Dob ai iboan si Musa ma parhara ni sidea ai hu lobei ni Jahowa.
6 Jadi nini Jahowa ma hubani si Musa,
7 “Sintong do pangindoan ni boru ni si Zelofat in; maningon bereonmu do hubani sidea bagian siteanon i tongah-tongah ni sanina ni bapa ni sidea; maningon ondos do bani sidea bereonmu parbagianan ni bapa ni sidea.
8 Anjaha maningon hatahononmu do hubani halak Israel, ʻAnggo adong barang ise na matei lang martinading anak maningon hubani boruni do ondoskononni tean-teananni ai.ʼ
9 Tapi anggo seng dong boruni, maningon berehononni do tean-teanan ni ai hubani saninani.
10 Anjaha anggo seng dong saninani, maningon bereon do tean-teananni ai hubani sanina ni bapani.
11 Anjaha anggo seng dong sanina ni bapani, maningon bereon do tean-teananni ai hubani hade-hadeni sidohoran humbani sidea na samarga, ase ia manean ai. Anjaha gabe aturan ma ai bani halak Israel, songon na tinonahkon ni Jahowa hubani si Musa.”
12 Dob ai nini Jahowa ma hubani si Musa, “Tangkog ma ho hu atas Dolog Abarim on, anjaha tatap ma tanoh ai, na dob Hubere hubani halak Israel.
13 Anjaha anggo domma ididah ho ai, patumpuon ma homa ho hubani bangsamu, songon abangmu si Aron na dob ipatumpu,
14 halani na nilanggarnima hatang-Ku i halimisan Sin, sanggah na manlawan kuria in, sanggah na maningon papansingonnima namin Ahu marhitei humbani bah ai i lobei ni mata ni sidea. Ai ma Bah Meriba na i Kades, i halimisan Sin.
15 Nini si Musa ma hubani Jahowa,
16 ʻManingon pabangkiton ni Jahowa, Naibata ni tonduy ni sagala daging ma namin sada halak bani sidea,
17 na luar i lobei ni sidea anjaha na masuk i lobei ni sidea, na mambobahon sidea luar pakon masuk, ase ulang songon biribiri na so marparmahan tumpuan ni Jahowa.ʼ
18 Dob ai nini Jahowa ma hubani si Musa, ʻArahkon ma bahen hasomanmu si Josua, anak ni si Nun, sada halak na iiankon ni Tonduy, anjaha tampeihon ma tanganmu hu bani.ʼ
19 Dob ai pajongjong ma ia i lobei ni Malim Eleasar pakon i lobei ni kuria in, anjaha ondoskon ma bani sagala parentahmu i lobei ni mata ni sidea,
20 anjaha bere ma hubani humbani jumbalangmu, ase ganup kuria ni halak Israel mambalosi.
21 Anjaha maningon jongjong ia i lobei ni Malim Eleasar, na manungkun i lobeini pasalsi marhitei uhum ni Urim; maningon marguru hubani hatani sidea luar, anjaha marguru hubani hatani sidea masuk, ia pakon ganup halak Israel ronsi ganup kuria in.”
22 Dob ai ibahen si Musa ma songon na hinatahon ni Jahowa hu bani, iarahkon ma si Josua anjaha ipajongjong ia i lobei ni Malim Eleasar pakon i lobei ni kuria ai.
23 Jadi itampeihon ma tanganni hu bani anjaha itonahi ma ia, songon na ipatugah Jahowa marhitei si Musa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA