Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sanggah na marianan halak Israel i Sittim, ipungkah bangsa ai ma marriah-riah pakon boru ni halak Moab,
2 ai ma na mangontang bangsa ai hu panggalangan ni naibata ni sidea; jadi mangan ma bangsa ai anjaha marsombah hubani naibata ni sidea.
3 Ase mararihan ma halak Israel bani Baal-Peor, gabe gajag ma ringis ni Jahowa mangidah halak Israel.
4 Nini Jahowa ma hubani si Musa, “Tangkap ma ganup kopala ni bangsa in, anjaha gantungkon ma sidea bani na talar i lobei ni Jahowa, ase andohar mahombun ringis ni Jahowa hubani Israel.”
5 Dob ai nini si Musa ma hubani panguhum ni Israel, “Ganup ma nasiam mamunuh halak na mararihan hubani Baal-Peor.
6 Anjaha tonggor ma, roh ma sahalak humbani halak Israel, mamboan hubani saninani, sada boru Midian, ibagas pangidah ni si Musa pakon ibagas pangidah ni ganup kuria ni halak Israel, sanggah na tangis-tangis sidea i lobei ni labah ni lampolampo partumpuan ai.”
7 Tapi dob ididah si Pinehas anak ni si Eleasar, anak ni Malim Aron ai, jongjong ma ia anjaha laho hun tongah-tongah ni kuria ai manjolom sada tanja ibagas tanganni.
8 Iirikkon ma halak Israel ai masuk hubagas kamar podoman anjaha itobak ma sidea haduasi, dalahi halak Israel ai pakon puang-puang ai, sangkan bani boltok ni sidea. Jadi tongkin ni ai maronti ma sampar ai humbani halak Israel.
9 Anjaha buei ni na matei binahen ni sampar ai dua puluh ompat ribu halak do.
10 Dob ai nini Jahowa ma hubani si Musa,
11 “Ia si Pinehas, anak ni si Eleasar, anak ni Malim Aron, domma ipahombun ringis-Hu mangidah halak Israel, halani na sinimburuhonni simburung-Ku i tongah-tongah ni sidea, mambahen lang siap hubahen halak Israel ibagas ringis-Hu.
12 Halani ai hatahon ma, ʻTonggor ma, bereon-Ku ma bani padan hadameion-Ku.ʼ
13 Maningon ia do ampa ginomparni i pudini jujungan ni padan hamalimon sadokah ni dokahni, halani na sinimburuhonni parkara ni Naibatani, anjaha ibahen pardearan bani halak Israel.
14 Ia goran ni dalahi hun Israel, na binunuhni ai rap pakon boru Midian ai, ai ma si Simri, anak ni si Salu, sada kopala ni marga Simeon.
15 Anjaha goran ni boru Midian ai, na matei binunuh ai, ai ma si Kosbi, boru ni si Zur, sada pambobai ni sada marga ni halak Midian.”
16 Dob ai nini Jahowa ma hubani si Musa,
17 “Porang hanima ma halak Midian anjaha taluhon ma sidea,
18 ai domma imunsuhi sidea hanima marhitei akal-akal ni sidea, bani na niakalan ni sidea hanima pasal Peor pakon pasal si Kosbi, botou ni sidea ai, boru ni pambobai ni halak Midian ai, na binunuh bani ari parragat ni sampar marhalanihon ni Peor ai.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA