Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Mara edhingngagi, he, reng-oreng se neggu’ kakobasa’an e Isra’il! Masthena ba’na tao apa se adil,
2 tape ba’na la’-mala’ baji’ ka barang se becce’, sarta lebur ka barang se juba’. Tang bangsa bi’ ba’na ekolet dhi’-odhi’, dagingnga ebit-sebbit dhari lang-tolangnga.
3 Ba’na ngakan tang bangsa. Kole’na bi’ ba’na ebit-sebbit ban lang-tolangnga epaancor. Reng-oreng jareya bi’ ba’na ethok-ketthok akantha oreng se thok-ngetthok daging se epamaso’a ka polo’.
4 Bakal napa’a baktona ba’na aera’a nyo’on partolongan ka PANGERAN, tape Pangeran ta’ apareng jawaban. Salerana ta’ kera meyarsa’agi sakabbinna du’ana ba’na, sabab ba’na la ngalakone barang se juba’.
5 Tang bangsa eco-koco bi’ bi-nabbi se aramallagi se bagus ka reng-oreng se aberri’ pesse, tape amoso sarta ta’ ngargai oreng se ta’ ari’-berri’. Ka bi-nabbi se kantha jareya, PANGERAN adhabu,
6 "He, bi-nabbi, baktona la para’ tadha’a; arena ba’na la compet. Ba’na ta’ kera olle ton-pangatonan pole parkara Tang ja-sajja. Ba’na ta’ kera tao aramallagi pa-apa pole."
7 Reng-oreng se aramallagi are se bakal dhateng bakal todhusa polana ramalanna ta’ cocok. Reng-oreng jareya kabbi padha kaelangan mowa polana ta’ epeyarsa’agi bi’ Allah.
8 Tape parkara sengko’ dibi’ reya, bi’ PANGERAN sengko’ la eesse’e bi’ Errohna sarta kobasana. Sengko’ eparenge pangarteyan parkara kaadilan, bariya keya kabangalan kaangguy anyata’agi ka reng-oreng Isra’il parkara sa-dusana aba’na.
9 Mara edhingngagi tang ca’-oca’ reya, he, pangobasa Isra’il se baji’ ka kaadilan ban alik-balik barang se bendher.
10 Ba’na maddek Yerusalim, kotthana Allah, adhasar lalakon mate’e oreng laen ban lalakon se ta’ adil.
11 Sa-pangobasana kottha marenta terro olleya pesse go’-sogo’, mam-imam ngajarragi hokomma PANGERAN terro olleya gaji, ban bi-nabbi nyo’on petodu dhari Allah terro olleya pesse — saellana jareya reng-oreng jareya kabbi ngera ja’ PANGERAN nolonge aba’na. Reng-oreng jareya ngoca’, "PANGERAN badha e nga’-tengnga’anna sengko’ ban ba’na kabbi; sengko’ ban ba’na ta’ kera ekenneng balai."
12 Polana kajahadanna ba’na jareya, Siyon bakal esalaga’a akantha teggal, Yerusalim bakal daddiya tombuganna jur-gujuran, ban gumo’ Padalemman Socce bakal daddiya alas raja.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA