Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Begiken, o penguasa-penguasa Israel! Arusna kam me si mperdiateken kebujuren,

² tapi kepeken ciga atendu si mehuli dingen ngena atendu kejahaten. Ibukbakndu bangsangKu geluh-geluhen janah isintapkenndu dagingna i bas tulanna nari.

³ Ipanndu bangsangKu. Iluakndu kulingna, ipenggelkenndu tulanna, je nari igatgatindu ia desken daging ku bas kudin.

⁴ Paksana reh me i ja kam erlebuh man TUHAN, tapi la IaloiNa kam. La IbegikenNa pertotonndu, perban jahat pengelakondu.

⁵ Nabi-nabi si penebu-nebu ngataken dame man kalak si mere man bana, tapi ikatakenna perang man kalak si la mereken panganna. Man nabi-nabi si bagenda ikataken TUHAN,

⁶ "O nabi-nabi warindu nandangi mentas, matawarindu sundut me. Sanga berngi lanai ibereken pengenehenen man bandu, i bas kegelapen lanai kam ngasup ernubuat."

⁷ Kalak si ernubuat kerna paksa si nandangi reh, mela akapna perban la ia ngasup. Sinik nari nge ia, sabap la ialoi Dibata ia.

⁸ Tapi aku, TUHAN ndemi aku alu kesah ras KuasaNa, janah IberekenNa bangku ukur bujur ras kinipangan nuriken man bangsa Israel kerna dosa-dosana.

⁹ Begikenlah aku, o penguasa-penguasa Israel, kam si ernembeh ate kempak kebujuren dingen nalihken si benar jadi salah.

¹⁰ Ipajekkenndu kuta Dibata, e me Jerusalem, alu dareh ras kejahaten.

¹¹ Penguasa-penguasa kuta e erbahan keputusen erpalasken sogok si ialokenna, imam-imam mereken pengajaren erkiteken iupahi, nabi-nabi ernubuat erkiteken ngaloken duit, janah kerina ia ngatakenca maka TUHAN ras ia. Nina, "Labo banci kita kena mara. TUHAN kap ras kita."

¹² E maka, erkite-kiteken kam, itenggalai me pagi Sion desken juma, Jerusalem jadi runtuhen si ergun-gun, janah deleng ingan Rumah Pertoton e salih jadi kerangen.

Mikha

Video Mikha 3

Ikuti Kami:

KONTAK | PARTISIPASI | DONASI