Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Daera niaka ri bageang rayanganna Yordan, battu ri Ka’bung Binanga Arnon tulusu’ nai’ ri Ka’bung Yordan sa’genna mange ri Moncong Hermon bellana ri bageang wara’, le’ba’mi nialle siagang nipammantangngi ri tu Israel. Nia’ rua karaeng nabetaya ke’nanga.

² Se’reanga niarengi Sihon, karaeng Amori ammantanga ri Hesybon. Daera kakoasanna iamintu bageruanna daera Gilead: iamintu daera Aroër (ri birinna Ka’bung Arnon) siagang kota niaka ri tangnga-tangngana anjo ka’bunga sa’genna Binanga Yabok ri pa’baeng-baenna daera bansa Amon;

³ kammayatompa antama’ tongi daera Ka’bung Yordan bageang iraya, battu ri Tamparang Galilea a’lampa timboro’ sa’genna mange ri Bet-Yesimot (ri rayanganna Tamparang Matea), tulusu’ mange ri bangkenna Moncong Pisga.

⁴ Karaeng maraeng nibetaya ri tu Israel iamintu Karaeng Og battu ri pa’rasangang Basan, niaka ammantang ri Asytarot siagang Edrei. Iami kalase’renna tau tassesaya battu ri bansa Refaim.

⁵ Daera kakoasanna iamintu Moncong Hermon, Salkha, siagang sikontu daera Basan sa’genna daera Gesur siagang Maakha; kammayatompa antamaki bageruanna daera Gilead sa’genna daera kakoasanna Karaeng Sihon ri kota Hesybon.

⁶ Iaminjo rua karaeng nibetaya ri Musa siagang bansa Israel. Buttana anjo karaeng-karaenga nipassareangi ri Musa, atanNa Batara, mae ri suku Ruben, suku Gad siagang bageruanna suku Manasye, untu’ a’jari butta pisakana ke’nanga.

⁷ Sikamma karaeng nibetaya ri Yosua siagang bansa Israel iamintu sikontu karaeng niaka ri daera bageang lau’na Binanga Yordan, battu ri Baal-Gad ri Ka’bung Libanon tulusu’ sa’genna mange ri pa’moncongang A’gondoloka ri bageang timboro’ ri ampi’na Edom. Anjo daera-daeraya nabage-bagei Yosua mae ri suku-suku bansa Israel untu’ a’jari butta pisakana ke’nanga.

⁸ Anjo daeraya iamintu daera pa’moncongang, daera bangkeng bulu’ bageang laukang, Ka’bung Yordan siagang daera bangkeng bulu’na, daera-daera pungku’na monconga ri bageang iraya, siagang daera parang lompo ri bageang timboro’. Anjo daera-daeraya le’ba’ pammantanganna bansa Het, Amori, Kanaan, Feris, Hewi siagang Yebus.

⁹ Sikamma karaeng nibetaya, nia’ tallumpulo asse’re tau, iamintu karaeng-karaeng battua ri anne kota-kotaya: Yerikho, Ai (ri ampi’na Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (ri Karmel), Dor (ri biring tamparang), Goyim (ri Galilea) siagang Tirza.

¹⁰ (12:9)

¹¹ (12:9)

¹² (12:9)

¹³ (12:9)

¹⁴ (12:9)

¹⁵ (12:9)

¹⁶ (12:9)

¹⁷ (12:9)

¹⁸ (12:9)

¹⁹ (12:9)

²⁰ (12:9)

²¹ (12:9)