Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kata TUHAN seh man bangku nina,
2 "O manusia si ermasap-masap kam ringan i tengah-tengah bangsa pemberontak. Lit matana tapi kai pe la idahna; lit cupingna tapi kai pe la ibegina, erkiteken ia pemberontak.
3 Emaka genduari, o manusia si ermasap-masap, sanga wari siang denga susunlah barang-barangndu i bas sada bungkusen bagi semalna ilakoken sekalak pengongsi. Kenca bage i lebe-lebe kalak kerina bahanlah sada lubang i bas dingding rumahndu. Ope denga gelap wari, berkatlah kam sanga kerina kalak ngidahsa. Ndaratlah kam i bas rumahndu nari arah lubang ndai, janah persanlah bungkusen e i bas barandu. Berkatlah mentasi berngi si gelap; janah tutupilah matandu seh maka la idahndu dalan si ibentasindu. Pelepas kerina kalak Israel ngidah kai si ilakokenndu e, gelah e jadi sada persinget man bana, maka igejapna ia bangsa pemberontak."
4 (Yeh 12:3)
5 (Yeh 12:3)
6 (Yeh 12:3)
7 Emaka kulakoken kai si isuruh TUHAN e. I bas wari e kubungkus barang-barangku bali ras si ibahan pengongsi, janah karaben, nandangi gelap wari, Kubahan sada lubang i bas dingding alu tanku, jenari ndarat aku. Sanga kerina kalak ngidahsa, kupersan bungkusen ndai i bas barangku jenari berkat aku.
8 Pepagina, seh kata TUHAN man bangku nina,
9 "O manusia siermasap-masap, genduari kalak Israel si pemberontak e nungkun-nungkun man bandu kai si ilakokenndu e.
10 Erkiteken si e, turikenlah man bana katangKu, Aku, TUHAN si Erdolat. Berita enda man raja si erkuasa i Jerusalem bage pe man kerina kalak si ringan i je.
11 Kataken man bana maka kai si nggo ilakokenndu e, eme sada tanda kerna kai si nandangi jadi man bana. Nandangi jadi pengongsi ras jadi tabanen me ia kerina.
12 Raja si merentah ia genduari, la banci lang ipersanna me bungkusenna i bas baranna arah berngi si gelap jenari lompat ia arah lubang si ibahan kalak e i bas tembok. Itutupna me matana emaka la idahna ku ja ia lawes.
13 Tapi Kupebelang pagi jalangKu janah Kutangkap ia alu e. Kenca bage Kubaba ia ku kota Babil, janah i je me ia mate, tapi kota e la idahna.
14 Kerina singiani istanana bage pe penasehatna ras pengawalna, Kupemerap ku jah ku je, janah idarami kalak ia lako munuhsa.
15 Kenca Kupemerap ia ku tengah bangsa-bangsa i negeri-negeri si deban, ietehna me maka Aku kap TUHAN.
16 Piga-piga kalak i bas ia Kuselamatken i bas perang e nari, gelah i tengah bangsa-bangsa e igejapna uga cigana ateKu nandangi perbahanen si nggo ilakokenna, gelah iakuina maka aku kap TUHAN."
17 Kata TUHAN seh man bangku nina,
18 "O manusia si ermasap-masap, nggirgirlah kam alu gentar ras mbiar tupung kam man ras minem.
19 Kataken man kerina bangsa emaka enda me berita i bas TUHAN si Erdolat nari nandangi kalak Jerusalem si ringan denga i bas tanehna. Nggirgir me ia alu gentar dingen mbiar tupung ia man ras minem. Tanehna jadi lume dingen terulang, erkiteken kasa kalak si ringan i je nggeluh alu la bujur.
20 Kota-kota si genduari meriah ikernepken me, janah juma-juma isalihken jadi taneh terulang. Jenari itehna me maka Aku kap TUHAN."
21 Kata TUHAN seh man bangku nina,
22 "O manusia si ermasap-masap, ngkai maka rusur ibelasken kalak Israel kuan-kuan enda nina: 'Nggo mentas paksa-paksa, tapi nubuat kerina sia-sia?'
23 Genduari kataken man bangsa e kai jabapKu, Aku, TUHAN si Erdolat, kerna si e. Kumasapken me kuan-kuan si bage, janah ndigan pe lanai ibelasken i Israel. Jadi gancihna eme: Paksana nggo seh, janah jadi me bagi si inubuatken!
24 I tengah-tengah bangsa Israel ndigan pe lanai lit pengenehenen si la tuhu tah nubuat si papak.
25 Aku, TUHAN si Erdolat, ngerana man bana, janah kai si Kukataken la banci la jadi, janah lanai ipelawen-lawen. I bas paksa geluhndu Kusehken kerina kai si nggo Kusingetken man bandu." Bage nina TUHAN si Erdolat.
26 Kata TUHAN seh man bangku nina,
27 "O manusia si ermasap-masap, kalak Israel erpengakap maka nubuatndu e ndekah denga kal maka jadi.
28 Emaka katakenlah katangKu enda man bana, 'Lanai bo ipelawen-lawen. Kai si nggo Kukataken la banci lang jadi.' Bage nina TUHAN si Erdolat."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA