Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Megermetlah adi kam bengket ku bas Rumah Pertoton. Madin bengket ku bas guna erlajar asangken mereken persembahen bagi si ilakoken kalak lenge, si la meteh apai payo, apai si la payo.
2 Ukurken lebe maka belasken janah ula metersa erbahan padan i adepen Dibata. Ia i Surga dingen kam i doni; emaka ula melalasa rananndu.
3 Adi reh lalana aru ate, reh lalana banci jadi nipi gulut. Reh buena ngerana, banci jadi reh buena luar ranan si lenge.
4 Dage adi kam erpadan man Dibata, minter sehken padanndu e. La ngena AteNa kerna kalak lenge. Emaka sehkenlah padanndu.
5 Madin la erpadan asangken la ngkundulisa.
6 Ula bere maka ranandu erbahanca kam erdosa, seh maka terpaksa ikatakenndu man imam maka silap kam erbahan padan. Man kadendu erbahan nembeh ate Dibata bandu seh maka IkernepkenNa kai si nggo idahikenndu?
7 Bali ras mbue ernipi la lit gunana, bage me pe melala ngerana la lit ertina. Tapi erkemalangenlah man TUHAN.
8 Ula mamang atendu adi idahndu kalak musil itindih pemerentah dingen la bujur perbahanenna man bana. Tep-tep pegawai ikapiti atasenna nge ia, jenari si datasenna ka ngkawali pegawai si niteruhna ndai duana.
9 Maka nggeluh pe raja perbahan lit nge siman peranin.
10 Kalak si me duit la pernah bias akapna; kalak si erngena ate man erta la pernah idatca kai si isurana. Kerina sia-sia.
11 Reh bayakna jelma reh buena kalak man berenna man. Labo lit untungna man bana, saja itehna maka mbue ertana, bage ngenca.
12 Sekalak si erdahin banci jadi la bias nakanna, tapi si lang-langna ntabeh pertunduhna gedang-gedang berngi. Tapi kalak bayak mbue tuhu ertana, tapi la banci tunduh erkiteken aru atena.
13 Enda me sada perkara si mejin i bas doni enda: Kalak si pebue erta i bas paksa kalak kekurangen.
14 Kune bene erta e cilaka kap man bana; lanai lit si man tadingenken man anak-anakna.
15 Tupung kita tubuh, manjang-anjang kap kita; bage me pagi tupung kita nadingken doni enda; kai pe labo sibaba i bas bekasta latih nari.
16 E la bujur! Perlawesta bali ras pertubuhta ndube. Sigegehi erdahin guna nangkap angin, kai kin sidat?
17 Kidekah kita nggeluh kita lit i bas kegelapen, kesusahen, aru ate, nembeh ate dingen penakit.
18 Emaka kueteh maka la lit terulin man banta seakatan minem dingen manken ulih pendahin dingen ngenanami ulihta latih kidekah geluhta si gendek si ibereken Dibata man banta. Eme sikerajangenta.
19 Adi sekalak ngaloken kebayaken dingen erta i bas Dibata nari, janah IbereNa ia ngenanami kebayakenna e, arus ia ngataken bujur janah ermeriah ukur ngenanami ulihna latih. E pe pemere Dibata kap e.
20 Dibata si ndemi pusuhna alu keriahen, gelah ula aru atena ngukurkenca kerna uga gendekna geluh enda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA