Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai huulaki ma mangidah sagala odoh-odoh na masa i toruh ni langit. Anjaha tonggor ma, iluh ni halak na niodoh-odoh, hape seng dong na mangapohi sidea. Hona paksa do sidea ibahen sipangodoh-odoh, tapi seng dong sipangapoh bani sidea.
2 Jadi martuahan do halak na dob dokah matei ai nini uhurhu, marimbang halak na manggoluh ope;
3 tapi martuahan ope marimbang haduasi ai, halak na so tubuh, ai ma na so mangidah pambahenan na jahat, na masa i toruh ni langit.
4 Dob ai huidah ma sagala hangaluton pakon horja hapandeian, hape patubuh uhur na marsisimburuan do ai. Ai pe sisoya-soya do, anjaha na manangkap logou tumang do.
5 Halak na oto lompit-lompit tangan hansa, gabe dagingni sandiri ipangan.
6 Dearan do sanggolom marhasoman sonang ni uhur humbani dua nangging, tapi gok hangaluton anjaha manangkap logou tumang.
7 Dob ai huidah ma use na soya i toruh ni langit:
8 Adong ma sada halak na tarpunjung, na so marniombah, na so marsanina, hape ipukpuk do marhorja, anjaha matani seng marnasombuh mangidah habayakon, dobni sungkun-sungkun bani dirini, “Ai ise do na huhopkop ase lang marsonang-sonang ahu?” On pe sisoya-soya do, anjaha hangaluton na masambor.
9 Dearan do dua halak humbani na sandirian, ai dapotan upah na madear do sidea bani halojaonni.
10 Ai anggo targompang sidea, boi do sidea marsiurupan; tapi seda do halak na sandirian, ai anggo targompang ia, seng dong na manogusi.
11 Sonai homa, anggo rap modom dua halak, jadi marsipamalasan ma sidea; tapi anggo sahalak, sonaha ma boi malas ia?
12 Age pe tartalihon sahalak sada halak na sandirian, tapi dua halak martahan do i lobeini, anjaha tali na tinolu seng urah rotap.
13 Dearan do sada parana na miskin, tapi na maruhur, humbani sada raja na matua, tapi na botoh anjaha na so ra palumbaon.
14 Ai luar do parana hun tutupon laho bangkit raja, age pe masombuh hinan ia itubuhkon, sanggah raja ope halak na legan.
15 Huidah do haganup halak na manggoluh na i toruh ni langit, hampit parana ai do, ai ma na manggantihsi ai.
16 Seng tarbilangi buei ni halak na binobahonni, tapi halak na roh i pudini seng marosuh be bani. On pe sisoya-soya do anjaha manangkap logou tumang.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA