Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ On do pambagian ni ginompar ni si Aron. Anak ni si Aron: si Nadab pakon si Abihu, si Eleasar pakon si Itamar.

² Tapi matei popor do si Nadab pakon si Abihu parlobei humbani bapa ni sidea; gabe si Eleasar pakon si Itamar do na mangabing hamalimon ai.

³ Jadi ibagi si Daud ma sidea marhitei pangurupion ni si Sadok, na humbani ginompar ni si Eleasar, pakon si Ahimelek, na humbani ginompar ni si Itamar, romban hubani horinni bei, mandalankon horjani.

⁴ Halani bueinan do jumpah kopala humbani ginompar ni si Eleasar ase humbani ginompar ni si Itamar, gabe iranggi ma sidea sonon: Sapuluh onom halak humbani ginompar ni si Eleasar bahen kopala ni sidea mar sasaompung anjaha humbani ginompar ni si Itamar ualuh halak bahen kopala ni sidea mar sasaompung.

⁵ Tapi marhitei ruji-ruji do parranggi ni sidea ai, dos bei homa ibahen ai; adong do kopala ni ianan na mapansing ai, sonai homa kopala ni parugas i lobei ni Naibata, humbani ginompar ni si Eleasar pakon humbani ginompar ni si Itamar.

⁶ Si Semaya, jurutulis ai, anak ni si Netaneel, halak Levi ai, ia do na manurati goran ni sidea i lobei ni raja ai, kopala-kopala ai, malim Sadok pakon si Ahimelek, anak ni si Abyatar, pakon i lobei ni kopala ni malim ampa halak Levi mar sasaompung; margantih-gantih do ibahen horin ni ginompar ni si Eleasar pakon horin ni ginompar ni si Itamar.

⁷ Ruji-ruji na parlobei madabuh bani si Joyarib, na paduahon bani si Jedaya;

⁸ na patoluhon bani si Harim, na paompatkon bani si Seorim,

⁹ na palimahon bani si Malkia, na paonomkon bani si Miyamin,

¹⁰ na papituhon bani si Hakos, na paualuhkon bani si Abia,

¹¹ na pasiahkon bani si Jesua, na pasapuluhkon bani si Sekanya,

¹² na pasapuluhsadahon bani si Eliasib, na pasapuluhduahon bani si Jakim,

¹³ na pasapuluhtoluhon bani si Hupa, na pasapuluhompatkon bani si Jesebeab,

¹⁴ na pasapuluhlimahon bani si Bilga, na pasapuluhonomkon bani si Immer,

¹⁵ na pasapuluhpituhon bani si Hesir, na pasapuluhualuhkon bani si Hapises,

¹⁶ na pasapuluhsiahkon bani si Petaya, na paduapuluhkon bani si Jeheskel.

¹⁷ na paduapuluhsadahon bani si Jakin, na paduapuluhduahon bani si Gamul,

¹⁸ na paduapuluhtoluhon bani si Delaya, na paduapuluhompatkon bani si Maasya.

¹⁹ Ai ma horin ni sidea, laho mandalankon horja ni sidea bei, laho masuk hu Rumah ni Jahowa, mangihutkon aturan ni si Aron, bapa ni sidea ai, songon na tinonahkon ni Jahowa bani.

²⁰ Anjaha pasal halak Levi na legan ai: Humbani anak ni si Amram, si Subael; humbani anak ni si Subael, si Jedaya;

²¹ humbani anak ni si Rehabya, si Jisia, kopala;

²² humbani halak Jishari, si Selomot; humbani anak ni si Selomot, si Jahat;

²³ humbani anak ni si Hebron, si Jeria, kopala, si Amarya paidua, si Usiel paitolu, si Jekamean paiompat;

²⁴ humbani anak ni si Usiel, si Mika; humbani anak ni si Mika, si Samir;

²⁵ anggi ni si Mika, si Jisia; humbani anak ni si Jisia, si Sakarya.

²⁶ Anak ni si Merari: Si Mahli pakon si Musi, pakon anak ni anakni si Jaasia.

²⁷ Anak ni si Merari, na humbani si Jaasia: Si Soham, si Sakkur pakon si Ibri.

²⁸ Humbani si Mahli: Si Eleasar, seng dong anakni.

²⁹ Humbani si Kis, anak ni si Kis, si Jerameel.

³⁰ Anak ni si Musi: Si Mahli, si Eder pakon si Jerimot. Ai ma ginompar ni halak Levi mar sasaompung.

³¹ Pasal sidea pe idalankon do ruji-ruji, usih songon sanina ni sidea, ginompar ni si Aron, i lobei ni Raja Daud, si Sadok, si Ahimelek pakon i lobei ni kopala ni malim ampa halak Levi mar sasaompung.

1 Tawarikh

Video 1 Tawarikh 24

Ikuti Kami:

KONTAK | PARTISIPASI | DONASI