Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Harun nia’ appa’ ana’na bura’ne, iamintu: Nadab, Abihu, Eleazar, siagang Itamar. Rioloangangi mate Nadab siagang Abihu na manggena ke’nanga. Tena ana’na ke’nanga namate. Lanri kammana, ia a’jaria imang iamintu sari’battanna ke’nanga, iamintu Eleazar siagang Itamar. Nabagemi Daud turunganna Harun lalang siapa are pa’rappungang situru’ tugasa’na ke’nanga. Lalang nabagena Daud anjo pambageang pa’rappunganga, nibantui ri Zadok, turunganna Eleazar siagang Ahimelekh turunganna Itamar.

² (24:1)

³ (24:1)

⁴ Turunganna Itamar nibagei a’jari sagantuju pa’rappungang; na turunganna Eleazar nibagei lalang sampulo angngappa’ pa’rappungang, nasaba’ lalang ri turunganna Eleazar jaiangangi bura’ne a’jari kapala kaluarga.

⁵ Nasaba’ baji’ nalalang ri turunganna Eleazar, kammayatompa lalang ri turunganna Itamar, nia’ pajaba’-pajaba’ Balla’Na Batara siagang pamimping-pamimping agama, jari untu’ anjo pambageang tugasaka niallemi nigoccang.

⁶ A’le’basa’mi turunganna Eleazar siagang turunganna Itamar angngalle ambesoki anjo goccanga, nampa nicata’ arenna ke’nanga ri se’reang jurutulisi’, iamintu niarenga Semaya, ana’na Netaneel, tu Lewi. Yangasenna anjo nigaukangi ri dallekanna karaenga siagang sikamma pagawena, Imang Zadok, Ahimelekh ana’na Abyatar, sikamma kapala kaluarga golongang imanga, kammayatompa kapala-kapala kaluarga golongang Lewi.

⁷ Iaminne areng-arenna ke’nanga situru’ susunanna pa’le’basang tugasa’na ke’nanga, ia nigappaya battu ri nigoccanna anjo ruampuloa pa’rappungang: 1. Yoyarib ~~ 13. Hupa; 2. Yedaya ~~ 14. Yesebeab; 3. Harim ~~ 15. Bilga; 4. Seorim ~~ 16. Imer; 5. Malkia ~~ 17. Hezir; 6. Miyamin ~~ 18. Hapizes; 7. Hakos ~~ 19. Petahya; 8. Abia ~~ 20. Yehezkiel; 9. Yesua ~~ 21. Yakhin; 10. Sekhanya ~~ 22 Gamul; 11. Elyasib ~~ 23. Delaya; 12. Yakim ~~ 24. Maazya;

⁸ (24:7)

⁹ (24:7)

¹⁰ (24:7)

¹¹ (24:7)

¹² (24:7)

¹³ (24:7)

¹⁴ (24:7)

¹⁵ (24:7)

¹⁶ (24:7)

¹⁷ (24:7)

¹⁸ (24:7)

¹⁹ Anjo areng-arenna ke’nanga nicataki situru’ susunang pa’le’bassanna ke’nanga untu’ antama’ ri Balla’Na Batara siagang anggaukangi tugasa’ passambayanganga, ia le’baka naatoro’ Harun, boe-boena ke’nanga, situru’ Naparentakanga Batara, Allata’alana Israel.

²⁰ Pantarangannaya anjo, antama’ iji turunganna Lewi anne sikamma kapala kaluargaya: Yehdeya, turunganna Amram battu ri garisi’ turunganna Subael; Yisia, turunganna Rehabya; Yahat, turunganna Yizhar battu ri garisi’ turunganna Selomot; Yeria, Amarya, Yahaziel, siagang Yekameam, ana’-ana’na Hebron manuru’ susunang umuru’na; Samir, turunganna Uziel battu ri garisi’ turunganna Mikha; Zakharia, turunganna Uziel battu ri garisi’ turunganna Yisia sari’battanna Mikha; Mahli, Musi, siagang Yaazia, turunganna Merari.

²¹ (24:20)

²² (24:20)

²³ (24:20)

²⁴ (24:20)

²⁵ (24:20)

²⁶ (24:20)

²⁷ Yaazia nia’ tallu ana’na bura’ne, iamintu: Syoham, Zakur, siagang Hibri.

²⁸ Mahli nia’ rua ana’na bura’ne niarenga Eleazar siagang Kish. Eleazar tena ana’na bura’ne, mingka Kish nia’ sitau ana’na bura’ne, niarenga Yerahmeel.

²⁹ (24:28)

³⁰ Ana’ bura’nena Musi nia’ tallu tau, iamintu: Mahli, Eder, siagang Yerimot. Iaminjo sikamma kaluargaya lalang ri suku Lewi.

³¹ Untu’ pa’le’basanna tugasa’na ke’nanga, massing-massing kapala kaluarga siagang sitau andi’na bura’nea a’besoki lomoro’ nigoccang situru’ apa nagaukanga sikamma sari’battanna ke’nanga, iamintu sikamma imang turunganna Harun. Anjo lomoro’ nigoccanga nisa’bi ri Karaeng Daud siagang Zadok, Ahimelekh siagang kapala-kapala kaluarga battu ri golongang imanga siagang battu ri golongang tu Lewi.

1 Tawarikh

Video 1 Tawarikh 24

Ikuti Kami:

KONTAK | PARTISIPASI | DONASI