¹ Hen etan dekam zep aha-ere taha-tap zini gubir aneka. Ëe dekam zebe hendep keisni hla tak– ngli nakon kim kama san dep zan zaka. Dekam zep keisni in hap juwen zi mo bwi kawesinnik dep de kuncina nerblak.
² Keisni in zep kuncina inkam talusuku– kama hulak de bwi kawesin yala insa. Butna dekam zep kon mam enkam te sok– san de wanga trun syauk butna kiye. Butna in hap zep ngli naban yakla naban ka neisik.
³ Butna in kon zep hwena lerangna okama san dep tuwehek. Zebe mae hap Alap sosonsa golzimki– men kirekam dare ek hap hen golzimkike, dekam de zisi hit ti gwibin hip.
⁴ Zen hom gubiridaka– sona, tenya, hen obwagasa de karek ta gwibin hip. Zen diki zi ensa de karek ta gwibin hip gubiridaka– mensa mirenak Alap onakore capkam al dasibir srem gwekke.
⁵ Hwena tamerankam dep hom gubiridaka. Zen diki sapꞌnen de karek ta gwibin hip– holona benna aha-ere taha-tap enkam. Sosonna man hen golzimki– serkam tangan de karek ta gwibin hip denaka. Zeno mae mo hit tinna men kiye– hen dare ek mo hit tinna.
⁶ Aha-ere taha-tapkam de benna inkam sap sa zini juwen hap edwam gwe-gwer, hwena molya kim juwek. Zen sap sa tin hip edwam gwe-gwer, hwena zebon mae onakon tin hip dena nama langa tangannak.
⁷ Lerangna in mo nwe-masena, san de kudasa de eijan hap wer tyasibinni kiye. Zeno mae mo nolak, san de emaskam de mire sigisa de alala tanna kiye. Hen zeno mae mo nwe-masena, san de zi nwe-masena kiye.
⁸ Zeno mae mo nol alana, san de kwalbasa nol alana kiye. Zeno mae mo ek danna, singa ek sil makan.
⁹ Zeno mae mo bik danna drak-drakna– san de eijan hap de besikam de bitisa ala gunnu kiye. Zeno mae mo si ala aukuna men kiye– kereta kuda beyam-bya de eijannak dep hlu-hluk gwenna.
¹⁰ Zeno mae mo abala dare syakna– men kiye, dare ekna. Zeno mae mo sosonna zen zewe– zisi dikim karek ta gwibin hip denaye, holona benna aha-ere taha-tap enkam de karek ta gwibin hip.
¹¹ Zeno mae mo teipsinni hen ki. Zen zen– hendep de golejuwen hap de zi niye. Zeno bosena Ibrani olkam “Abadon,” Yunani olkam “Apolion.” Bose darena in mo enlalana, “zisi de goleliwe gwen hap de Zini.”
¹² Dan-ahare karek tabin hip dena insa heiri kira tabirki, nonol wenya mes tap gwenan. Zeno hyanak etan dan-dan sa naptazal.
¹³ Alap mo dam taha nakore zini enamna in ki zep sramin zemka gubir aneka. Dekam zebe ola sak– irase dawem nabare te kilsi de tru tasik gweblan hap de mejana in kon kim te sok. Mejana in zen Alap mo dang nakon nola gwenan– emaskam de syal gwizimdinni, hen dan-ner dan-nerkam de top-top naban. Dan-ner dan-nerkam de top-topna in man gulk sun eteipsiksek.
¹⁴ Ola in zen kals nakon te sok, zen enamna in zen gubir aneka, desa anakan nenblak, “Empat enkam de dowal yawal-yawala mensa weyana Efrat mo ananak dahalebik, emki hil ti sonebin.”
¹⁵ Dekam zep hil ti sonebirki. Alap yaklana insa orep mes hamal taka– dekam de hil ti sonebin hip denaye, zen dikim yaklana dekam en okamanak de zisi eihya hlik naka goleeijankam tamerasin hip.
¹⁶ Anakan hen ama sak, “Kudakam de eijan hap de zi mo beyana, dua-ratus juta enkam.”
¹⁷ Hen nwe lirisin nenna inkam ee ama kuda beyam-byana insa hlauludak– hen in zen zeno mae mo tahannak teinikinꞌikye. In zen ze teinikinꞌik, zen besikam de bajusa alala dak. Ahakon serkam de kal-kal tangan naka– san de syauk hitinni kiye. Ahakon ngli kailim angtan-angtan makare naka– men kiye, kaso lilingtinni. Hen ahakon yong-yong angtan-angtan naka. Kudana in mo nola, san de singa nola kiye. Hen mip nakon hi nwe mo kim ebwak ta gweꞌak– syauknu, butna, hen irase karekna.
¹⁸ Sap kudana in zen mip nakon ebwak ta gweꞌak, zen zep okamanak sang-sang yala hatak, hendep okamanak de zini eihya hlikna dekam zep juwesik. Ahakon syauknu in hap juwek, ahakon butna in hap, hen ahakon ase karekna in hap juwek.
¹⁹ Kuda beyam-byana in mo sosonna, zen mipnak hen abalak. Zeno mae mo abala, san de wanya mo nola kiye. Abala in zen dekam zini hit di gwibik.
²⁰ Hwena zi mosrona men zen sang-sang yala in kon juwe srem gwek, zen hom kim tapbla nuk– yang tabin dowal-dowalsa de betek gwibirida gwenna. Zen nama boklena kom dabirida gwek– sap emas nakon de yang tasin dowal, perakkam dena, tembagakam dena, kaso nakorena, hen tenya korena. Dowal-dowala in sap nwe kara gwen sremna, hen ol san sremna, hen ete nasen gwen sremna.
²¹ Hwena zini in dekam hom mae zere mae mo karek-karek nakon ehalek– sap zisi de tamera gwenna, meiyersa de golzauk gwenna, ekahalo gwe-gwenna, hen sowena.